22/02/2020
1036 جار خوێنراوەتەوە
به‌هۆی كۆرۆناوه هاوردەی چەند جۆرە خواردنێك بۆ هه‌رێم قەدەغەده‌كرێت
په‌یام
بەهۆی بڵاوبوونەوەی ڤایرۆسی كورۆنا لە ئێران، وەزارەتی كشتوكاڵ و سەرچاوەكانی ئاوی حكومه‌تی هه‌رێم، هاوردەی چەند جۆرە خواردنێكی قەدەغە كردووە.
وەزارەته‌كه بڕیاریداوه به قەدەغەكردنی هاوردەی ئاژەڵ و پەلەوەر و باڵندە و ماسی و سەرجەم خواردنە دەریاییەكان لە وڵاتی ئێرانەوە بۆ كوردستان، ئەمەش لە پێناو رێگریكردن لە گواستنەوەی ڤایرۆسەكە. سه‌باره‌ت به قه‌ده‌غه‌كردنی هاوردەی سەوزە و میوەش وەزارەتی كشتوكاڵی هه‌رێم هێشتـا له‌وباره‌یه‌وه بڕیارینه‌داوه.
وەزارەتی كشتوكاڵی هه‌رێم لەگەڵ وەزارەتی تەندروستیشدا لە هەماهەنگیی بەردەوامدان و بۆ ئه‌و مه‌به‌سته لیژنەیەك پێكهاتووە بۆ چۆنێتی ڕووبەڕووبوونەوەی نەخۆشییەكە.
لە تۆڕە کۆمەڵایەتیەکان شەیری بکە