22/02/2020 786 جار خوێنراوەتەوە

گووگڵ نزیکەی 600 ئەپی لە کۆگای (گووگڵ پله‌ی) سڕییەوە

لە بڵاوکراوەیەکی فەرمیدا، کۆمپانیای گووگڵ ڕایگەیاند کە نزیکەی 600 ئەپی لە کۆگای Google Play بە هۆی پێشێلکردنی یاساکانی کۆمپانیاکەوە سڕییەوە و گەشەپێدەرەکانیانی سزادا بە ڕێگەنەدانی بەردەستکردنی ئەپی نوێ لە کۆگاکەدا.
گووگڵ دەڵێت هۆکاری سڕینەوەی ئەپەکان بە هۆی پێشێلکردنی یاساکانی کۆمپانیاکەوە بووە، بە شێوەیەک کە ئەپەکان دەستیان دەکرد بە نیشاندانی ڕێکلامی بێزارکەر لەو کاتانەی کە داخراوە بوون و بەکار نەدەهاتن، ئەمەش بەشێک نییە لە یاساکانی گووگڵ تایبەت گەشەپێدەران. بە پێی Per Bjorke، بەڕێوەبەری بەرهەمەکانی گووگڵ بێت، ئەپەکان زۆرینەی کاتەکان ڕێکلامی پڕاوپڕ و جیاوازیان لە کاتی تەلەفۆن کردن و بەکارهێنانی ئەپی دیکەدا نیشان دەدا و دەبوونە هۆکاری بێزارکردنی بەکارهێنەران.
هەروەها Per Bjorke ڕایگەیاند کە کۆمپانیاکەی کاریان لەسەر گەشەپێدانی تایبەتمەندییەکی نوێ بە یارمەتی Machine Learning کردووە تاوەکو بە ئاسانی توانای ئاشکراکردنی بەشەکانی ڕێکلامەکانی هەبێت لە نێو ئەپەکاندا.
ناوی هیچکام لە ئەپە سڕاوەکان لە لایەن گووگڵەوە ئاشکرا نەکراون، بەڵام زۆرینەی ئەپەکان لە لایەن گەشەپێدەرە چینی، هیندی و سەنگافورییەکانەوە درووست کرابوون. تەنانەت ژمارەیەک ئەپی کۆمپانیای Cheetah Mobile ـیش بەر ئەم شەپۆلی سڕینەوەیەی گووگڵ کەوتوون، کە زیاتر لە 40 ئەپی لە نێو کۆگاکەدا هەبوو.
ئەمە یەکەمجار نییە کە گووگڵ ئەپەکانی کۆگای Google Play بە هەبوونی کۆدی زیانبەخش و پێشێلکردنەوە بسڕێتەوە، لە مانگی 7 ـی ساڵی ڕابردووشدا، کۆمپانیاکە گەشەپێدەری چینی CooTek ـی سزادا بە هۆی نیشاندانی ڕێکلامەوە لە کاتی بەکارنەهێنانی ئەپەکانیدا.


سه‌رچاوه‌: Kitn

لە تۆڕە کۆمەڵایەتیەکان شەیری بکە

  • 13/04/2025

    ئه‌مریكا هاورده‌ی ئه‌لیكترۆنی و مۆبایلی زیره‌ك له‌ چینه‌وه‌ له‌ پێناسی گومرگبی نوێ ده‌به‌خشێت

  • 11/04/2025

    پێشبینی دەكرێت نرخی هەر ئایفۆنێك لەسەدا 90 بەرز ببێتەوە

  • 05/04/2025

    حكومەتی عێراق داوای قەدەغەكردنی تیكتۆكی پێشكەش بە پەڕلەمان كردووە

  • 03/03/2025

    لە وڵاتی چین ڕۆبۆتێك لە كۆنترۆڵ دەرچوو و پەلاماری خەڵكى دا

  • 19/01/2025

    تیکتۆک لە ئەمریکادا لەکارکەوت

  • 31/12/2024

    وه‌زاره‌تی‌ گه‌نجینه‌ی‌ ئه‌مریكا: هاككه‌ره‌ چینییه‌كان به‌شێك له‌ ماڵپه‌ڕه‌كانیان هاك كردووه‌

  • 14/12/2024

    كۆنگرێس تیكتۆكی له‌ به‌رنامه‌كانی ئه‌پڵ و گووگڵ قه‌ده‌غه‌ كرد

  • 11/12/2024

    "مەترسە هاک نەکراویت، فەیسبووک خۆى کێشەى تێدایە"

سەرەتا