16/02/2020
219 جار خوێنراوەتەوە
بەڕێوبەری وەرزشی ئینتەرمیلان وەڵامی دەنگۆی ڕۆیشتنی لاوتارۆ دەداتەوە
پەیام سپۆرت
جۆسێپی مارۆتای
بەڕێوبەری وەرزشی یانەی ئینتەرمیلانی ئیتاڵی وەڵامی ئەو هەواڵانە دەداتەوە کە باس
لە ڕۆیشتنی لاوتارۆ مارتینێزی ئەرجەنتینی و هێرشبەری یانەکەیان دەکەن.
لە میانەی
لێدوانێکیدا بۆ میدیاکانی ئیتاڵیا بەڕێوبەرە وەرزشییەکەی ئینتەرمیلان ڕووبەڕووی ئەو
پرسیارە بوویەوە کە "ئایا لاوتارۆ پەیوەندی بە بەرشەلۆنەوە دەکات؟"، لە وەڵامدا
مارۆتا وتی: لاوتارۆ ئەستێرەیەکی لاوە و لەو کاتەوەی هاتۆتە یانەکەمان گەشەی زۆری
کردووە، ئەوەندەی ئێمە ئاگادارین یاریزانەکە بیر و هۆشی تەنیا لای ئینتەرمیلانە.
بەڕێوبەر
وەرزشییەکەی نێرازۆری زیاتر بەردەوام دەبێت و دەڵێت: بۆ گواستنەوەی لاوتارۆ نە
بەرشەلۆنە نە هیچ یانەیەکی دیکە گرێبەستی پێشکەش نەکردووە، ئێمە یاریزانمان نییە
بۆ فرۆشتن.
لە کۆتایشدا
مارۆتا ئەوەی راگەیاند، ئەگەر یاریزانێکی یانەکەیان خودی خۆی داوای ڕۆیشتن بکات
ئەوا ئەوان ڕێگری لێ ناکەن و ئامادەن دەستبەرداری ببن.
لە تۆڕە کۆمەڵایەتیەکان شەیری بکە