16/02/2020
340 جار خوێنراوەتەوە
موقته‌دا سه‌در داوا له‌لایه‌نگرانی ده‌كات خزمه‌تگوزاری پێشكه‌شی خۆپیشانده‌ران بكه‌ن
په‌یام
موقتەدا سەدر سەرکردەی رەوتی سەدر، داوای لە
لایەنگرانی کرد خزمەتگوازیی پێشکەش بە خۆپیشاندەرانی ناڕازیی بکەن.
موقتەدا سەدر لە تویتێکدا لە تۆڕی کۆمەڵایەتی
تویتەر، نووسیوویەتی،"کاروانی خزمەتگوزاریی لە گۆڕەپانی خۆپیشاندانەکان رووی
لە کەمیکردووە، لێرەوە داوا لە هەموو عێراقییەکان دەکەم پاڵپشتیی بکەن بۆ بەردەوامبوونی
شۆڕش بە ئاراستەی ئاشتییانە".
ئەم بانگەوازەی موقتەدا سەدر لە کاتێکدایە کە
خۆپیشاندەران پێیان وایە "سەدر راستگۆ نەبووە لەگەڵیاندا" بەو پێیەی
لەسەرەتای ئەم مانگەوە لایەنگرانی سەدر کە بە کڵاوشینەکان ناسراون، بەهێز
رووبەڕووی خۆپیشاندەران بوونەوە و هەوڵی بڵاوەپێکردنیان و چۆڵکردنی گۆڕەپانەکانی
خۆپیشاندانەکان دەدەن.
سەدر ئاماژەی بەوەشکردووە، پێویستە
هەموو ئەوانەی داوای ئاشووب و کاری تێکدەرانە دەکەن لە گۆڕەپانەکان دووربخرێنەوە،
هاوکات داوای چارەسەکردنی بریندارەکانیشی کردووە چ بە پارە بێت یان بە تیمی پزیشکی
یانیش لەرێگەی هەڵمەتی کۆکردنەوەی هاوکاریی و شتی دیکەوە.
لە تۆڕە کۆمەڵایەتیەکان شەیری بکە