15/02/2020
438 جار خوێنراوەتەوە
وەزیری بەرگریی ئەمریكا: بەردەوام دەبین لە پشتگیریكردنی هێزەكانی پێشمەرگە
په‌یام
مارك ئیسپەر وەزیری بەرگریی ئەمریكا، هەرێمی كوردستانی بە هاوپەیمانێكی گرنگی وڵاتەكەی لە ناوچەكەدا وەسفكردو بەردەوامبوونی هاوكارییكردنی هێزه‌كانی پێشمەرگەشی دووپاتكرده‌وه.
لە پەراوێزی كۆنفرانسی ئاسایشی میونشن 2020، پێشنیوەڕۆی ئەمڕۆ مەسرور بارزانی سەرۆكی حكومەتی هەرێم و شاندی یاوەری، لەگەڵ مارك ئیسپەر وەزیریی بەرگریی ئەمریكا كۆبوونەوە.
بەپێی بەیاننامەی نوسینگەی راگەیاندنی سەرۆكی حكومەتی هەرێم، هەردوولا قسەیان لەبارەی پێشهاتەكانی ناوچەكە كردووە و تەئكیدیان لە گرنگیی پەرەپێدانی پەیوەندییەكانی هەرێمی كوردستان و ئەمریكا كردۆتەوە.
هەروەها لە كۆبونەوەكەدا مارك ئیسپەر وەزیری بەرگریی ئەمریكا، هەرێمی كوردستانی بە هاوپەیمانێگی گرنگی وڵاتەكەی لە ناوچەكەدا وەسفكردووە، راشیگەیاندووە، بەردەوام دەبن لە پشتگیریكردنی هێزەكانی پێشمەرگە و راهێنانیان بۆ بەرەنگاربوونەوەی تیرۆر.
لە تۆڕە کۆمەڵایەتیەکان شەیری بکە