15/02/2020
370 جار خوێنراوەتەوە
هاوپه‌یمانى هێزه‌كان: ده‌نگ به حكومه‌تی نوێی عێراق ناده‌ین
په‌یام
فه‌لاح زه‌یدان، سه‌رۆكى هاوپه‌یمانى هێزه عێراقییه‌كان له لێدوانێكیدا بۆ ئاژانسى هه‌واڵى عێراقى رایگه‌یاند، "هاوپه‌یمانى هێزه‌كان ده‌نگ له‌سه‌ر حكومه‌تى نوێ نادات به‌هۆى میكانزمەکانی هه‌ڵبژاردنى محه‌مه‌د تۆفیق عه‌لاوى سه‌رۆك وه‌زیرانى راسپێردراو".
وتیشی "هۆكارێكى دیكه‌ى ده‌نگنه‌دان به حكومه‌ت بریتییه له‌وه‌ى دانوستانێكى راسته‌قینه نییه له‌باره‌ى دیاریكردنى واده‌ى هه‌ڵبژاردنى پێشوه‌خت".
راشیگه‌یاند: پێویستە پارێزگارى له پێكهاته‌كانى گه‌لى عێراق بكرێت له‌میانی نوێنه‌رایه‌تیكردنى له حكومه‌تدا، چونكه حكومه‌ت نوێنه‌رایه‌تى گه‌ل به‌گشتى ده‌كات نه‌ك چینێكى دیاریكراو یان فراكسیۆنێكى سیاسی به‌ته‌نها.
رۆژی 1ی 2ی 2020 محه‌مه‌د تۆفیق عه‌لاوی له‌لایه‌ن به‌رهه‌م ساڵح، سه‌رۆك كۆماری عێراق بۆ پێكهێنانی حكومه‌تی نوێی عێراق راسپێردرا.
لە تۆڕە کۆمەڵایەتیەکان شەیری بکە