14/02/2020
641 جار خوێنراوەتەوە
گەرمترین مانگی یەكی 141 ساڵی ڕابردوو، مانگی یەكی ئەمساڵ بووە
پهیام
فەرمانگەی بەرگەهەوا و ئۆقیانووسی نیشتمانی ئەمریكا ڕایگەیاند: گەرمترین مانگی یەكی 141 ساڵی ڕابردوو، مانگی یەكی ئەمساڵ بووە.
لە ڕوونكردنەوەیەكدا كە لە لایەن فەرمانگەی بەرگەهەوا و ئۆقیانوسی نیشتمانی ئەمریكاوە بڵاو كراوەتەوە، هاتووە "بە پێی تۆماری كەشوهەوای 141 ساڵی ڕابردوو، تێكڕای پلەی گەرما لەسەر ڕووی وشكانی و دەریا كە لە تێكڕای 20هەمین سەدەدا 12 پلەی سەدیە، لە مانگی كانوونی دووەمی ئەمساڵدا 1،14 پلەی تێ پەڕاندووە.
لە ڕوونكردنەوەكەدا ئاماژە بەوەش كراوە كانوونی دووەمی ئەمساڵ 44هەمین مانگە كە تێكڕای پلەی گەرما یەك لە دوای یەك بەرز دەبێتەوە، ئەوەیش نیشانی دەدات كە تا دێت جیهان گەرمتر دەبێت.
فەرمانگەی بەرگەهەوا و ئۆقیانووسی نیشتمانی ئەمریكا ڕایگەیاندووە: ئەو ناوچانەی زۆرترین گەرمبوونیان تێدا بەدی كراوە لەسەر ئاستی جیهان ئەسكەندەنافیا و خۆرهەڵاتی كەنەدایە كە پلەی گەرمای كانوونی دووەم تیایاندا پێنج پلە زیاتر بووە.
ناوەندی زانیاری ژینگەی نیشتمانیی ئەمریكاش دەڵێن: 2020 لە نێو تۆماری گەرمترین پێنج ساڵدا دەبێت.
لە تۆڕە کۆمەڵایەتیەکان شەیری بکە