14/02/2020
440 جار خوێنراوەتەوە
دوای شه‌ش مانگ، باران ئاگره‌كه‌ی ئوستورالیای كوژانده‌وه
په‌یام
دەسەڵاتدارانی ئوستوڕالیا ڕایانگەیاند بەهۆی بارانەوە ئەو ئاگرەی شەش مانگە ژمارەیەك ویلایەتی وڵاتەكەی گرتووەتەوە، بە تەواوەتی كۆتایی پێ هات.
ناوەندی ئاگركوژێنەوەی ویلایەتی (نیو ساوس وێڵز)ی ئوستوڕالیا لە ڕاگەیەندراوێكدا كۆتاییهاتنی ئەو ئاگرەی ڕاگەیاند كە ماوەی شەش مانگە ئەو ولایەتەی گرتووەتەوە‌و بۆ چەند ناوچەیەكی دیكەیش سەری كێشاوە.
لەمیانی ڕاگەیەندراوەكەدا هاتووە: بەهۆی ئەو بارانەوە كە لە 10 ڕۆژی ڕابردوودا باریوە، ئاگرەكەی ویلایەتی (نیو ساوس وێڵز)، (كوینزلاند)، (فیكتۆریا) و باشووری ئوستوڕالیا بە تەواوەتی كۆتایی پێ هاتووە.
لە ئەیلوولی ساڵی ڕابردووەوە لە ویلایەتی (نیو ساوس وێڵز) ئاگر كەوتەوە‌و دواتر بەرەو ویلایەتەكانی (كوینزلاند)و (فیكتۆریا) و باشووری ئوستوڕالیا فراوان بوو و بووە هۆی سووتانی 11 ملیۆن هێكتار زەوی‌و زیاتر لە سێ هەزار خانوو.
بەپێی زانیارییەكان، ئەو شەپۆلە ئاگرە گیان لەدەستدانی 33 كەس و مردنی 102 ملیار بوونەوەریشی لێ كەوتووەتەوە.
لە تۆڕە کۆمەڵایەتیەکان شەیری بکە