14/02/2020 154 جار خوێنراوەتەوە

لە هێرشێكی ئیسڕائیلدا بۆ سەر فڕۆكەخانەی دیمەشق ژمارەیەك سەربازی ڕژێم‌و پاسداری ئێرانی كوژران

په‌یام

لە هێرشێكی مووشەكیی قەوارەی ئیسڕائیلدا بۆ سەر فڕۆكەخانەی دیمەشق ژمارەیەك سەربازی ڕژێم‌و پاسداری ئێرانی كوژران.

ڕوانگەی سووری مافەكانی مرۆڤ ڕایگەیاند: شەوی ڕابردوو، قەوارەی ئیسڕائیل هێرشێكی مووشەكیی كردە سەر فڕۆكەخانەی نێودەوڵەتی دیمەشق‌و لەو هێرشەدا سێ سەربازی سووریا و چوار پاسداری ئێرانی، كوژراون.

سەرچاوەكانی هەواڵ ڕایانگەیاند: هێرشەكە لە كاتێكدا بووە كاروانێكی چەكوچۆڵی ئێرانی گەیشتووەتە فڕۆكەخانەكە، هێرشەكە ئەو كاروانەی بە ئامانج گرتووە.

بەپێی زانیارییەكان، هێرشەكان جگە لە فڕۆكەخانەی پایتەخت، فیرقەی یەكی لە ناوچەی كەسوەی باشووری دیمەشق، دەوروبەری شارۆچكەی سەیدە زەینەب لە ڕیفی دیمەشق‌و بنكەیەكی سەربازیی لەسەر ڕێی دیمەشق ـ قونەیتەرە، بۆردومان كردووە.

لای خۆیەوە، ڕژێمی سووریا ڕایگەیاند: مووشەكەكان بە دژە مووشەك وەڵام دراونەتەوە‌و پووچەڵ كراونەتەوە.

هەفتەی ڕابردووش لە هێرشێكی دیكەی ئاسمانیی قەوارەی ئیسرائیلدا زیاتر لە 20 سەرباز و چەكداری گرووپە هاوپەیمانەكانی حكومەتی سووریا، كوژران.

لە تۆڕە کۆمەڵایەتیەکان شەیری بکە

  • 1 رۆژ پێش ئێستا

    ئێران.. له‌ 24 كاتژمێری رابردودا زیاتر له‌ 2 هه‌زار و 700 حاڵەتی توشبون بە كۆرۆنا تۆماركراوه‌

  • 1 رۆژ پێش ئێستا

    پۆلیسی ئیسرائیل هه‌ڵیانكوتایه‌ سه‌ر ماڵی وه‌زیری كاروباری قودس و ده‌ستگیریان كرد

  • 2 رۆژ پێش ئێستا

    ئێران.. تا ئێستا سێ هەزار و ١٦٠ کەس بەهۆی کۆرۆناوە گیانیان لەدەستداوە

  • 2 رۆژ پێش ئێستا

    وه‌زیری ته‌ندروستی ئیسرائیل و هاوسه‌ره‌كه ‌تووشی كۆرۆنا بوون

  • 4 رۆژ پێش ئێستا

    نه‌ته‌وه‌ یه‌كگرتووه‌كان هاوكاریی مرۆیی گه‌یانده‌ ئیدلب

  • 5 رۆژ پێش ئێستا

    نزیكترین راوێژكاری سه‌رۆكوه‌زیرانی ئیسرائیل توشی كۆرۆنابوو

  • 6 رۆژ پێش ئێستا

    سعوودیە رێگری لە دوو مووشەكی بالیستی كرد

  • 7 رۆژ پێش ئێستا

    سووریا.. بۆ ماوه‌ى 14 رۆژ خوێندن راگیرا

سەرەتا