14/02/2020
1154 جار خوێنراوەتەوە
بەرشەلۆنە لەگەڵ شوێنگرەوەی دێمبڵی گەیشتۆتە ڕێكکەوتن
پەیام سپۆرت - بڕیار تەها
هەرچەندە ماوەی
گواستنەوەی یاریزانان لە ئەوروپا کۆتایی هاتووە، بەڵام یانەی بەرشەلۆنە لە
گواستنەوەی هێرشبەرێک بۆ شوێنی عوسمان دێمبڵی نزیک دەبێتەوە.
لەم بارەیەوە
ڕۆژنامەی مارکا کۆمەڵێک زانیاری بڵاوکردۆتەوە و دەنووسێت، یانەی بەرشەلۆنە بڕوایی
وایە یەکێتی تۆپی پێی ئیسپانی ڕێگەی دەدات لەم کاتەدا گواستنەوەی یاریزانێک بۆ
شوێنی دێمبڵی ئەنجام بدات، بۆ ئەو مەبەستەش کارگێڕی یانە کەتەلۆنییەکە لەگەڵ یانەی
خیتافی بۆ گواستنەوەی ئانخێل ڕۆدریگێزی هێرشبەر گەیشتۆتە ڕێککەوتن و پێشبینی
دەکرێت لە 24 کاتژمێری داهاتوودا ئەو گواستنەوەیە کۆتایی پێ بێت.
سەرچاوەکە ئەوەشی
ئاشکرا کردووە هەردوو یانەکە ڕێککەوتن ئاخیڵ ڕۆدریگێز لە بەرانبەر 10ملیۆن یۆرۆدا
پەیوەندی بە یانەی بەرشەلۆنەوە بکات.
ڕۆدریگێزی تەمەن 32 ساڵ پێشتر یاری بۆ یانەکانی لیڤانتی و ئیبار و ڕیاڵ زەرەگۆزە کردووە و لەم
وەرزەشدا بە درێسی خیتافییەوە بەشداری 28 یاری لەسەرجەم پاڵەوانێتییەکاندا کردووە
و 13گۆڵیشی تۆمار کردووە.
لە تۆڕە کۆمەڵایەتیەکان شەیری بکە