ئێران.. مەڕاسیمی چلەی ماتەمینی قاسم سولەیمانی و ئه‌بومه‌هدی موهه‌ندیس به‌رێوه‌چوو

په‌یام
لە بەشێك لە شار و ناوچەكانی ئێران مەڕاسیمی چلەی ماتەمینی (قاسم سولەیمانی) فەرماندەی پێشووی فەیلەقی قودسی سوپای پاسداران‌و (ئەبومەهدی موهەندیس) جێگری سەرۆكی حەشدی شەعبی‌و ژمارەیەك لە هاوەڵانیان، بەڕێوەچوو.
بەپێی زانیاری سەرچاوەكانی هەواڵی ئێرانی، لەو مەڕاسیمەدا ئێرانییەكان جەختیان لە كردنە دەرەوەی هێزەكانی ئەمریكا لە ناوچەكە كردەوە ‌و بە هۆی سەرەكی قەیرانەكانی ناوچەكەیان ناو دەبردن.
لە هەریەك لە ورمێ، ئەسفەهان، ئیلام، مەهاباد، ئەردەبیل، بیرژەند، زاهیدان، كرمان، شەهركورد و تەبرێز، هاووڵاتیان بەشداری مەڕاسیمەكەیان كرد.
لای خۆیەوە، عەمید ڕەمەزان شەریف وتەبێژی سوپای پاسداران لە مەڕاسیمەكەی شاری ورمێدا وتی: پیلانی دوژمنان چیدی بێ كاریگەرییە، ئەمریكا ئێستا بووەتە خراپترین دوژمنی ئێران‌و جیهانی ئیسلامی.
بەرەبەیانی ڕۆژی سێی مانگی ڕابردوو، لە فڕۆكەخانەی نێودەوڵەتی بەغدا، ئەمریكا لە ڕێگەی فڕۆكەی بێ فڕۆكەوانەوە كاروانی ئۆتۆمبێلەكانی (قاسم سولەیمانی) فەرماندەی پێشووی فەیلەقی قودسی سوپای پاسداران‌و (ئەبومەهدی موهەندیس)ی كردە ئامانج‌و لەگەڵ 10 كەسی دیكە، كوژران.