13/02/2020
1467 جار خوێنراوەتەوە
ڕیاڵ مەدرید بە زەبری مووچەی ساڵانە هەوڵی ڕفاندنی ئامانجێکی بەرشەلۆنە دەدات
پەیام سپۆرت - بڕیار تەها
یانەی ڕیاڵ
مەدریدی ئیسپانی بە زەبری مووچەی بەرزی ساڵانە دەیەوێت لاوتارۆ مارتینێزی
ئەرجەنتینی و هێرشبەری یانەی ئینتەرمیلانی ئیتاڵی پەلکێشی ڕیزەکانی بکات.
کەناڵی تی وای سی
ئەرجەنتینی ئاشکرای کردووە، کارگێڕی ڕیاڵ مەدرید پەیوەندیان بە یانەی
ئینتەرمیلانەوە کردووە و پێیان ڕاگەیاندوون، ئامادەن نرخی هەڵوەشاندنەوەی گرێبەستی
لاوتارۆ کە نزیکەی 120ملیۆن یۆرۆیە بدەن و یاریزانەکە بۆ یاریگای سانتیاگۆ
بێرنابیۆ بگوازنەوە.
سەرچاوەکە لە
درێژەی هەواڵەکەیدا ئاماژەی بەوەکردووە، بەرپرسانی ڕیاڵ مەدرید دەزانن گواستنەوەی
لاوتارۆ مارتینێز ئاسان نییە، چونکە یانەی بەرشەلۆنەش خواستی گواستنەوەی ئەو
هێرشبەرە ئەرجەنتینیەی هەیە و پەیوەندی هاوڕێیەتی نێوان یاریزانەکە و لیۆنێل مێسیش
هاوکار دەبێت بەوەی یاریزانەکە بلوگرانا هەڵبژێت، بەو ئەو مەبەستەش کارگێری ڕیاڵ
مەدرید بریکاری یاریزانەکەی ئاگادرکردۆتەوە ئامادەن ساڵانەی 14ملیۆن یۆرۆ بە
مارتینێز بدەن و درێسی قەڵای سپی بەرز بکاتەوە.
لە تۆڕە کۆمەڵایەتیەکان شەیری بکە