13/02/2020
433 جار خوێنراوەتەوە
ئەنجوومەنی ئاسایشی نێودەوڵەتی بانگەوازی لایەنەكانی لیبیای بۆ پابەندبوون بە ئاگربەستەوە كرد
په‌یام
ئەنجوومەنی ئاسایشی نێودەوڵەتی بە بڕیاری ژمارە (2510) و بە پشتبەستن بە ئەنجامی لوتكەی بەڕلین، بانگەوازی لایەنە ناكۆكەكانی لیبیای بۆ پابەندبوون بە ئاگربەستەوە، كرد.
بەپێی زانیارییەكان، لە كۆی 15 ئەندامە هەمیشەیی‌و ناهەمیشەییەكەی ئەنجومەنی ئاسایش، جگە لە ڕووسیا كە دەنگی لەسەر نەداوە، هەر 14 وڵاتەكەی ئەنجومەنەكە، بڕیارەكەیان پەسەند كرد.
لە درێژەی بڕیارەكەدا ئاماژە بە بڕیاری 1970ی ساڵی 2011ی تایبەت بە قەدەغەی ناردنی چەك بۆ لیبیا و ناچاركردنی وڵاتانی دیكەیش بە كۆتاییهێنان بە دەستوەردان و چالاكییە سەربازییەكانیان لەو وڵاتە، كراوە.
ئەنجوومەنی ئاسایش ئیدانەی ئەو گەمارۆیەیشی كردووە كە بەم دواییانە لەلایەن هێزەكانی خەلیفە حەفتەرەوە خراوەتە سەر دامەزراوە نەوتییەكانی لیبیا و ڕایگەیاند: گرنگە لەپێناو بەرژەوەندی گەلی لیبیادا، پڕۆسەی بەرهەمهێنان و هەناردەی نەوت دەست پێ بكرێتەوە.
لە تۆڕە کۆمەڵایەتیەکان شەیری بکە