13/02/2020
1075 جار خوێنراوەتەوە
ڕاهێنەری بەرشەلۆنە داوای گواستنەوەی بەرگریکارێکی خولی ئەڵمانی کردووە
پەیام سپۆڕت - بڕیار تەها
کیکی سێتینی
ڕاهێنەری یانەی بەرشەلۆنەی ئیسپانی داوای لە کارگێڕی یانەکەی کردووە بۆ بەهێزکردنی
هێڵی بەرگری یانەکەی هەوڵی گواستنەوەی دایۆت ئوپامێکانۆی فەرەنسی و بەرگریکاری
یانەی لایبزیگی ئەڵمانی بدەن.
هەواڵەکە لە
ڕۆژنامەی بێڵدی ئەڵمانیدا بڵاوبۆتەوە و سەرچاوەکە ئاماژەی بەوەکردووە، سێتینی
ڕاهێنەری نوێی یانەی بەرشەلۆنە لە ئێستاوە دەیەوێت پلان بۆ وەرزی داهاتوو بنێت و
بۆ ئەو مەبەستەش داوای لە کارگێڕی یانەکەی کردووە هەوڵی گواستنەوەی دایۆت
ئۆپامێکانۆی بەرگریکاری یانەی لایبزیگ بدەن، بە تایبەت پاش ئەو ئاستبەرزەی
یاریزانەکە لەم وەرزەدا لە خولی ئەڵمانی و یانە پاڵەوانەکانی نیشانی داوە.
سەرچاوەکە
دەنووسێت، یانەی بەرشەلۆنە تاکە یانە نییە کە گرنگی بە تواناکانی ئەو بەرگریکارە
فەرەنسییەکە دەدات، بەڵکو یانەکانی ئەرسیناڵ و بایرن میونخیش چاودێری باروودۆخی
یاریزانەکە دەکەن.
نرخی
هەڵوەشاندنەوەی گرێبەستی دایۆت لەگەڵ یانەی لایبزیگ دەگاتە 60 ملیۆن یۆرۆ.
لە تۆڕە کۆمەڵایەتیەکان شەیری بکە