لە یادی 15 ساڵەیدا، لۆگۆی گوگڵ ماپ دەگۆڕدرێت و چه‌ند تایبه‌تمه‌ندیه‌كیشی بۆ زیاد ده‌كرێت

بەمزووانە تەمەنی ئەپی نەخشەیی Google Maps پێ دەنێتە 15 ساڵەوە. بەم بۆنەیەوە، گووگڵ گۆڕانکاری لە لۆگۆی سەرەکی ئەپە نەخشەییەکەدا دەکات و تایبەتمەندی زیاتری بۆ زیاد دەکات.
گەورەترین گۆڕانکاری کە گووگڵ لە ئەپی Google Maps ـدا ئەنجامی دەدات، بریتییە لە گۆڕینی وێنۆچکەی سەرەکی، کە بۆ ماوەی چەند ساڵێکە نەگۆڕدرابوو. وێنۆچکە نوێیەکەی Google Maps دەبێت بە دەرزییەکی ڕەنگاوڕەنگ و خاوەن وردەکاری دیکە نابێت. لە لۆگۆکانی پێشووی ئەپەکەدا، بە هەمیشەیی دەرزی بوونی هەبووە.

لە خودی ئەپەکەدا، گووگڵ تابەکانی “contribute” و “updates” زیاد دەکات و جێگەی تابی “for you” دەگرنەوە، هەروەها سەرنجی زیاتر دەخاتە سەر تابی “saved”.
پەڕەی تابە نوێیەکان لە خوارەوە یاخود ناوەڕاستدا وردەکارییەکان نیشان دەدەن و زانیارییەکان تەواوی پەڕەکە داگیر ناکەن.

وێنۆچکە نوێیەکە و ژمارەیەک لە تایبەتمەندییەکانی ئەپی Google Maps لە ئەمڕۆوە ڕەوانەی بەکارهێنەرانی iOS و Android دەکرێن، پێویستە لەسەر بەکارهێنەران لە کۆگای سەرەکی داگرتنی ئەپەکان، ئەپی Google Maps نوێ بکەنەوە بۆ بەدەستهێنانی گۆڕانکارییەکان.

دابه‌زاندنی ئه‌پی Google Map له‌ Google Play.

دابه‌زاندنی ئه‌پی Google Map له‌ App Store

سه‌رچاوه‌: Kitn