پێش 3 هەفتە 257 جار خوێنراوەتەوە

هەڵوەرینی برژانگ، هۆكاره‌كان و چاره‌سه‌ره‌كه‌ی

په‌یام

ڕووتانەوە و وەرینی برژانگ بە شێوەیەکی ئاسایی و فەسلەجی ڕوودەدات، هەموو برژانگێک تەمەنێکی دیاریکراوی خۆی هەیە و دواتر هەڵدەوەرێت، بەڵام ڕاستەوخۆ برژانگێکی تر لە شوێنی ئەو گەشە دەکات، ئەم حاڵەتە ئاساییە مرۆڤ هەستی پێناکات چونکە نابێتە هۆی ناڕێکی و ڕووتانەوەی برژانگەکان.

هەرکاتێک کەلێن لە نێوان برژانگەکان دروست بوو، وە کەسی توشبوو هەستی پێکرد، ئەوە نیشانەی نەخۆشی و گرفتی تەندروستییە و پێویستی بە چارەسەرە.

چەندین هۆکار هەیە بۆ هەڵوەرین و ڕووتانەوەی برژانگ، لەوانە:-

❶ هەوکردنی درێژخایەنی لێواری پێڵوی چاو، بە تایبەت لەو کەسانەی پێستیان چەورە.
❷ سووتانی پێستی پێڵوو
❸ ڕووتانەوەی مووی هەموو جەستە
❹ نەخۆشی سەدەف و نەخۆشییەکانی فرەهەستیاری پێست
❺ شێرپەنجەی پێڵوو، یان چارەسەری تیشکی بۆ شێرپەنجەی پێڵوو
❻ نەخۆشی دەروونی: گرفتێکی دەروونی هەیە پێی دەوترێت (trichotillomania) کە نەخۆشەکە بە شێوەیەکی بەردەوام و خۆنەویستانە مووی قژ و برۆ و برژانگی بە دەست هەڵدەکێشێت.
❼ هەڵکێشانی بەردەوامی برژانگ دەبێتە هۆی تێکچوونی بنکی برژانگ و دەرنەهاتنەوەی، بە تایبەتی لەو کەسانەی نەخۆشیی برژانگی خواروخێچیان هەیە.
❽ برینداربوونی لێواری پێڵوی چاو و مانەوەی شوێنبرین، کە مووی لێ ناڕوێت.
❾ بەدخۆراکی بۆ ماوەیەکی زۆر دەبێتە هۆی ڕووتانەوەی مووی جەستە و برژانگ، بە تایبەتی کەمی پڕۆتین و زینک و ئاسن.
❿ دەرمان: ماددە هۆشبەرەکانی وەکو کراک و کۆکاین، یاخود دەرمانەکانی دژە چەوری و دژە خوێنمەیین و چارەسەری غود و دەرمانی چارەسەری نەخۆشی دڵ (ئەمایۆدارۆن) ... هتد
چەندین نەخۆشی تر هەیە ئەگەری هەیە ببێتە هۆی ڕووتانەوەی برژانگ، وەکو: نەخۆشی گورگە سوورە، سوزەنەک و گەڕی و گولی و تامیسکی چاو.

تێبینی:

چارەسەری ڕووتانەوەی برژانگ پەیوەستە بە چارەسەری ئەو نەخۆشی و هۆکارەی دروستی کردووە.

هەندێک جار ڕووتانەوەی برژانگ هاوکاتە لەگەڵ ڕووتانەوەی برۆ.

دوو جۆر ڕووتانەوەی برژانگ هەیە، ئەگەر جێبرین و سوتاوی هەبوو برژانگەکان ناڕوێنەوە، بەڵام ئەگەر جێبرین نەبوو ئەگەری هەیە سەرلەنوێ گەشە بکەنەوە.

سێ ڕێگا هەیە بۆ چارەسەری ڕووتانەوەی برژانگ:

۱- نەشتەرگەری: بە چاندنەوەی مووی شوێنی تری جەستەی نەخۆشەکە لە لێواری پێڵوو.

۲- دەرمان: وەکو مینۆکسیدیڵ و لاتانۆپڕۆست، کە دەدرێن لە شوێنە ڕووتاوەکان.

۳- جوانکاری: وەکو بەکارهێنانی برژانگی دەستکرد و کل و قەڵەمی چاوڕەشتن و تاتۆ، بۆ شاردنەوەی ڕووتاوییەکە.


دكتۆر ماكۆك محه‌مه‌د
پزیشکی نەشتەرگەری و نەخۆشیەکانی چاو

لە تۆڕە کۆمەڵایەتیەکان شەیری بکە

  • 15 کاتژمێر پێش ئێستا

    چۆن بە دەروندروستی ڕووبەڕووی کۆرۆنا ببینەوە؟

  • 2 رۆژ پێش ئێستا

    چاره‌سه‌ری لاوازی و که‌می کێش

  • 3 رۆژ پێش ئێستا

    ڤایرۆسی كۆرۆنا و نیشانەكانی و خۆپاراستن

  • 5 رۆژ پێش ئێستا

    هه‌شت جۆره‌ جیاوازه‌كه‌ی سه‌رئێشه‌ و هۆكاره‌كانی

  • پێش 3 هەفتە

    هەڵوەرینی برژانگ، هۆكاره‌كان و چاره‌سه‌ره‌كه‌ی

  • پێش 3 هەفتە

    نوێترین رێنمایی رێكخراوی ته‌ندروستی جیهانی، بۆ خۆپاراستن له‌ ڤایرۆسی كۆرۆنا

  • پێش 4 هەفتە

    ئیگزیما چیە؟ ئایە ئەتوانرێت ڕێگەی لێ بگیرێت؟

  • 25/01/2020

    ڤایرۆسی كۆرۆنا چییه‌؟

سەرەتا