پێش 4 هەفتە 1065 جار خوێنراوەتەوە

ڤایرۆسی كۆرۆنا چییه‌؟

په‌یام

ئینفلوێنزای كۆرۆنا " Infection a corona virus"
نەخۆشیەكی ڤایرۆسی توندە ، تووشی كۆئەندامی هەناسەی ، مرۆڤ دەبێت لە گشت تەمەنەكان بە تایبەت بەساڵاچوان و ئەوانەی نەخۆشی درێژخایەنیان هەیە .

هۆكارەكەی :
1-ڤایرۆسێكە بە ناوی ڤایرۆسی كۆرۆنی مرۆیی
2-ئەم ڤایرۆسە پێی دەگوترێت كۆرۆنا(Corona virus ) واتە تاج چونكە لە ژێر ووردبیندا لە شێوەی تاج دەردەكەوێت
3-مرۆڤی تووشی هەوكردنی هەناسەی توند دەكات .
4-لە ئاژەڵدا تووشی كۆئەندامەكانی هەناسە ، دەمار ، هەرس دەبێت.
5-هەندێك بیردۆز هەیە دەڵێت ئەم ڤایرۆسە لە ووشترەوە گواستراوەتەوە بۆ مرۆڤ

مەترسی ئەم نەخۆشیە :
1-تا ئێستا چارەسەری نیە چونكە تازە دۆزراتەوە .
2-لە رەچەڵەكی سارس و ئینفلۆێنزای پەلەوەر و بەرازە ولە نیشانەكانی وەك ئەوان مەترسیدارە .
3-هەوكردنێكی توندی سیەكان تووش دەكات پاشان پەك كەوتنی خێرای گورچیلەكان و مردنی مرۆڤەكە.
4-تووش بوان بەنەخۆشیە درێژخایەنەكان دەخاتە مەترسیەوە .

چۆنیەتی بڵاو بوونەوەی ئەم ڤایرۆسە؟
لە كەسێكی تووش بوو دەگواسترێتەوە بۆ كەسێكی ساغ بە یەكێك لەم رێگایانەوە
1-دەستی پیس
2-دەرهاوێشتەی تووش بوو
3-پریشك و لیك لە رێی پەردەپۆشە لینجیەكانی ژوورەوەی لووت و قوڕگ و سورێنچكەوە دێتە ناو لەش.

نیشانەكان
نەخۆشیەكە لە چەند رۆژێك بۆ دوو هەفتە دەخایەنێت
1-بەرز بوونەوەی تا.
2-ژانە سەر.
3-كۆكە.
4-ژانە ماسوولكە.
5-هەوكردنی لووت و ئاوكردن.
6-ژانە قوڕگ.
7-پژمین.

ماك و دەستنیشانكردن
تا ئێستا هیچ جۆرە ماكێكی تۆمار نەكراوە و دەستنیشان كردنی لە رێی تاقیگەوە دەبێت بۆ جیا كردنەوەی

چارەسەری
جۆرە چارەسەرێكی تایبەت نیە تەنها حەسانەوەیە و نەخۆش لە خۆیەوە چاك دەبێتەوە و نیشانەكانیشی بە دەرمانە باوەكان چارەسەر دەكرێن.
خۆ پاراستن لەم نەخۆشیە
1-دوور كەوتنەوە لەو شوێنانەی كە ئەم ڤایرۆسەی تێدا باوە.
2-بە كارهێنانی دەمامك.
3-بەكار هێنانی كلینیكس.
4-لە كاتی عومرە ماسك ببەسترێت و تا دەكرێت دوور بكەوێتەوە لە شوێنی جەنجاڵ
5-بەكارهێنانی پاككەرەوەی شامپۆی دەست پاككردنەوە .
بەڕێوە بەرێتی خۆپاراستنی تەندروستی - هۆبەی پتەوكردنی تەندروستی
ئیبراهیم ئه‌حمه‌دجاف پسپۆری خۆپاراستن

لە تۆڕە کۆمەڵایەتیەکان شەیری بکە

  • پێش 2 هەفتە

    هەڵوەرینی برژانگ، هۆكاره‌كان و چاره‌سه‌ره‌كه‌ی

  • پێش 2 هەفتە

    نوێترین رێنمایی رێكخراوی ته‌ندروستی جیهانی، بۆ خۆپاراستن له‌ ڤایرۆسی كۆرۆنا

  • پێش 3 هەفتە

    ئیگزیما چیە؟ ئایە ئەتوانرێت ڕێگەی لێ بگیرێت؟

  • پێش 4 هەفتە

    ڤایرۆسی كۆرۆنا چییه‌؟

  • پێش 4 هەفتە

    ئەگەر منداڵەکەمان تووشی خوێن بەربوونی لووت بوو پێویستە چی بکەین؟

  • پێش 4 هەفتە

    هه‌ولێر...بۆیه‌كه‌مینجار له‌ عێراق نه‌شته‌رگه‌ری دانانی ده‌ماری ده‌ستكرد ئه‌نجامدرا

  • 18/01/2020

    بۆچی له‌ زستاندا ماسولكه‌ و جومگه‌كان ئازاریان زیاتر ده‌بێت؟

  • 08/01/2020

    ئازاری شان هۆكار و چاره‌سه‌ره‌كانی

سەرەتا