22/01/2020
789 جار خوێنراوەتەوە
لیژنهی باڵای كۆنگرهی چوار؛ كۆنفرانسه ناوچهییهكانی له سۆران بهئهنجام گهیاند
پهیام
لە چوارچێوەی ئامادەكاریەكان بۆ كۆنگرەی چوارەمی كۆمەڵی ئیسلامی كوردستان؛ لێژنەی باڵای ئامادەكاری كۆنگرە؛ لە قەزای سۆران كۆنفرانسە ناوچەییەكانی بەرێوەبرد بۆ هەڵبژاردنی بەرپرسی مەڵبەندو ئەندامانی كۆنگرەو گفتوگۆكردن لەسەر رەشنوسی پەیرەوی ناوخۆی كۆمەڵی ئیسلامی.
لە كۆنفرانسەكەدا گفتوگۆیەكی چروپر لەلایەن ئەندامانەوە لەسەر رەشنوسی پەیرەوەی ناوخۆی كۆمەڵی ئیسلامی كوردستان كراو بەسەر چەند گروپێك دابەشكران، هەر لە كۆنفرانسەكەش دا ئەندامانی كۆنگرەی چواری كۆمەڵی ئیسلامی لە سنوری مەلبەندی سۆران هەڵبژێردران.
هەر لەنێو كۆنفرانسدا م.مەروان گەلاڵی بەزۆرینەی دەنگی ئەندامانی كۆنفرانس وەك بەرپرسی مەڵبەندی سۆرانی كۆمەڵی ئیسلامی هەڵبژێردرا.
ئەندامانی كۆمەڵی ئیسلامی كوردستان دڵیان بەداهاتووی كۆمەڵی ئیسلامیەوە خۆشەو ئومێدەوارن كۆنگرەی چوار كۆمەڵی ئیسلامی زیاتر بەرە و پێش بەرێت و خۆشیان پشتیوانی تەواوی كۆمەڵن.
كۆنفرانسە ناوچەیەكان وەك دووەم هەنگاوی بەرەو كۆنگرەیە و تیایدا ئەندامانی كۆنگرە هەڵدەبژێردرێن و دوای تەواو بوونی كۆنفرانسە ناوچەیەكانیش لەكات و ساتێكی دیاریكراو كۆنگرەی چوارەمی كۆمەڵی ئیسلامی كوردستان بەرێوەدەچێت.
لە تۆڕە کۆمەڵایەتیەکان شەیری بکە