دایکی کاڤانی لە پاریس سانجێرمان تووڕەیە

پەیام سپۆرت - بڕیار تەها

بێرتا گۆمێزی دایکی ئیدسۆن کاڤانی ئۆرۆگوایی لە ڕەفتارەکانی ئیدارەی یانەی پاریس سانجێرمان تووڕەیە و ئاشکرای دەکات، باشترین بژاردە بۆ کوڕەکەی یانەی ئەتلەتیکۆ مەدریدی ئیسپانییە.

لە لێدوانێکدا بۆ ڕۆژنامەی ئاسی ئیسپانی دایکی ئەستێرە ئۆرۆگواییەکە دەڵێت: هەموو لایەک ئەوە دەزانێت تا ئێستا کارگێری پاریس سێ گرێبەستی ئەتلەتیکۆ مەدریدی ڕەتکردۆتەوە، بەڵام کورەکەم دەیەوێت بڕوات و چاوەڕوانی ڕێککەوتنی نێوان هەردوو یانەکەیە.

لە درێژەی قسەکانیدا بێرتای دایکی کاڤانی ئاشکرایکرد، گرنگیدانی ئەتلەتیکۆ مەدرید بە کوڕەکەی دەگەڕێتەوە بۆ چوار ساڵ بەر لە ئێستا و ئەوانیش دەیانەوێت لەم زستانەدا بچنە ئیسپانیا و نایانەوێت ئەم گواستنەوەی بۆ هاوینی داهاتوو دوا بکەوێت.

لە بە شێکی دیکەی قسەکانیدا دایکی کاڤانی ڕاگەیاند، ئەوان لەوە تێدەگەن پاریس دەیەوێت کاڤانی لە ڕیزەکانیدا بهێڵێتەوە و ئەمەش لەبەر ئەوەیان یانەکە لە چامپیۆنسلیگ کێبڕكێ دەکات، بەڵام ئەوا نایانەوێت کوڕەکەیان لە پاریس بمێنێتەوە  و تەنیا شەش خولەک یاری پێ بکرێت.

لە کۆتاییدا دەشڵێت: هەست بە تووڕەبوون دەکەم لەبەر ئەوە مامەڵەیەیی لەگەڵ کاڤانی دەکرێت، چونکە ئەو خۆرە مامەڵەیە پاداشتی ئەو ئاستە نییە کە لە چەند ساڵی ڕابردوودا کوڕەکەم پێشکەشی یانە پاریسییەکەی کردووە، دەبێت کاڤانی بچێتە یانەیەک کە پێویستیان بە تواناکانی هەبێت بۆ نموونەی یانەیەکی وەک ئەتلەتیکۆ مەدرید.