مامۆستا عەلی باپیر سوپاسنامەیەك ئاڕاستەی فراكسیۆنی كۆمەڵ لە پەرلەمانی كوردستان دەكات‌

په‌یام

مامۆستا عەلی باپیر دەستخۆشی لە فراكسیۆنی كۆمەڵی ئیسلامی لە پەرلەمانی كوردستان دەكات.
لەنامەیەكدا كە ئاڕاستەی فڕاكسیۆنی كۆمەڵ كراوە، مامۆستا عەلی باپیر ئەمیری كۆمەڵی ئیسلامی ئاماژە بەوە دەكات: بەپێویستی دەزانم سوپاس‌ و دەستخۆشیتان ئاڕاستە بكەم لەسەر كۆی كارو چالاكییەكان‌ و هەڵوێستەكانتان، بەتایبەت هەڵوێستی ئەم دواییەتان لەبارەی پڕۆژە یاسای بەناو چاكسازییەوە "كە جێی داخ‌ و خەفەتە ئەو هەموو بانگەشە و دەنگەدەنگی چاكسازیی كە دەكرا لەشتێكی وادا كورت هەڵبێ‌!".

ئەمەی خوارەوە دەقی نامەكەیە:

بسم الله الرحمن الرحیم

بەڕێز فراكسیۆنی كۆمەڵی ئیسلامیی لە پەرلەمانی كوردستان
           السلام علیكم ورحمە الله
بەپێویستی دەزانم سوپاس‌و دەستخۆشییتان ئاڕاستە بكەم لەسەر كۆی كارو چالاكییەكان‌و هەڵوێستەكانتان، بەتایبەت هەڵوێستی ئەم دواییەتان لەبارەی پڕۆژە یاسای بەناو چاكیازییەوە "كە جێی داخ‌و خەفەتە ئەو هەموو بانگەشەو دەنگەدەنگی چاكسازیی كە دەكرا لەشتێكی وادا كورت هەڵبێ‌!".
كۆمەڵی ئیسلامیی شانازیی دەكات بە ئێوە‌ و برایانی دیكەشتان لەئەنجوومەنی نوێنەرانی عێڕاق كە هەردەم لەسەنگەری بەرگریی لێكردنی مافەكانی خەڵكی هەژار و نەدار و چەسپاندنی دادگەریی‌ و، پتشگیریی لێ كردن‌و ڕیشەكێشكردنی ستەم‌ و چینایەتیی‌ و قڕیی‌ و پڕیی دان‌ و، هیوادارم هیچ شتێك واتان لێنەكات لەو ڕاستەڕێیە لابدەن، چونكە خوای میهرەبان‌و كارزان تێكڕای پێغەمبەرانی "علیهم الصلاة والسلام" بۆ چەسپاندنی دادگەریی بەمانای فراوانیی‌ و، نەهێشتنی ستەم‌ و زۆر بەهەموو جۆرەكانیەوە، ناردوون وەك فەرموویەتی: (لقد أرسلنا رسلنا بألبینات و أنزلنا معهم الكتاب و المیزان لیقوم الناس بالقسط...) الحدید -25-.
كۆمەڵی ئیسلامییش بڕیاری داوە: ڕاستە شەقامی پێغەمبەران بگرێ‌‌ و، لەژێر هیچ گوشارێكدا و، بەهۆی هیچ ترس‌ و تەماعێكەوە، دەستبەرداری نەبێ‌.
دووبارە سوپاس‌و پێزانین
                                                                    براتان: عەلی باپـیـر
                                                               22/5/1441كـ - 17/1/2020ز
                                                                          هەولێر