14/01/2020
359 جار خوێنراوەتەوە
سهركردایهتی یهكێتی لیژنەیەكی بۆ پێداچوونەوەی پەیڕەوی ناوخۆ پێكهێنا
پهیام
بهیانی ئهمرۆ سهركردایهتی نوێی یهكێتی نیشتیمانی كوردستان بۆ تاوتوێكردن و یهكلایی كردنهوهی چهند پرسێك كۆبوهوهو له كۆبوونهوهكهدا بڕیاریاندا به دانانی لیژنەیەك بۆ پێداچوونەوەی پەیڕەوی ناوخۆ ,بەپێی بڕیار و راسپاردەكانی ئەندامانی كۆنگرەی چوارەمی یەكێتی.
ئەمڕۆ رۆژی سێ شەممە رێكەوتی 14/1/2020، ئەنجومەنی سەركردایەتی گشتی یەكێتیی نیشتمانیی كوردستان لە شاری سلێمانی یەكەم كۆبوونەوەی خۆی دوای كۆنگرەی چوارەم ئەنجامدا، كۆبوونەوەكە بەسەرۆكایەتی مستەفا چاوڕەش وەك بەتەمەنترین ئەندامی سەركردایەتی بەڕێوەچوو.
بهپێی راگهیهنراوی كۆبوونهوهكه، له كۆبوونهوهكهدا ئهم بڕیارانه دران..
1_ دانانی لیژنەیەك بۆ پێداچوونەوەی پەیڕەوی ناوخۆ ,بەپێی بڕیار و راسپاردەكانی ئەندامانی كۆنگرەی چوارەمی یەكێتی .
2_ بڕیاردرا تەواوی دامەزراوە و ئۆرگانەكانی یەكێتی نیشتمانی كوردستان بەردەوام بن لە كاری ئاسایی رۆژانەی خۆیان تا ئەوكاتەی پەیكەری تازەی یەكێتی نیشتمانی كوردستان لە لایەن ئەنجومەنی سەركردایەتی گشتی یەوە رێك دەخرێتەوە .
3_ بڕیاردرا یەكەم كۆبوونەوەی ئەنجومەنی سەركردایەتی بەكراوەیی بهێلدرێتەوە تا پەسند كردنی پەیڕەوی ناوخۆ .
لە تۆڕە کۆمەڵایەتیەکان شەیری بکە