05/01/2020 502 جار خوێنراوەتەوە

كۆمه‌ڵی ئیسلامیی په‌یامێكی ئاڕاسته‌ی هه‌ردوو حكومه‌تی ئێران و عێراق كرد

په‌یام

به‌هۆی كوژرانی قاسم سوله‌یمانی و، ئه‌بو مه‌هدی موهه‌ندیس جێگری ده‌سته‌ی حه‌شدی شه‌عبی عێراق، كۆمه‌ڵی ئیسلامیی كوردستان په‌یامێكی ماته‌مینی ئاڕاسته‌ی هه‌ردوو حكومه‌تی ئێران و عێراق ده‌كات، كه‌ ئه‌مه‌ش ده‌قه‌كه‌یه‌تی.

بسم الله الرحمن الرحیم

كۆمه‌ڵی ئیسلامیی كوردستان زۆر نیگه‌رانه‌ له‌ ڕووداوه‌كانی ئه‌م دواییه‌ی عێراق، به‌تایبه‌ت دوا په‌ره‌سه‌ندن و پێشهاته‌كانی، به‌ هێرشكردنه‌ سه‌رو كوشتنی هه‌ردوو كه‌سایه‌تی ناوداری كاریگه‌ر: قاسم سوله‌یمانی و، ئه‌بو مه‌هدی موهه‌ندیس جێگری ده‌سته‌ی حه‌شدی شه‌عبی له‌ عێراق و هاوه‌ڵانیان له‌لایه‌ن هێزه‌كانی ئه‌مریكاوه‌، كه‌ ئه‌مه‌ش پێشێلكردنی سه‌روه‌ریی خاكی عێراقه‌، وێڕای ئه‌وه‌ی ده‌بێته‌ هۆی په‌ره‌سه‌ندن و ئاڵۆزیی زیاتر له‌ناوچه‌كه‌دا به‌گشتی و له‌ نێوان ئه‌مریكاو ئێراندا به‌تایبه‌ت، كه‌ باجه‌كه‌شی گه‌لانی ناوچه‌كه‌ به‌ گشتی و گه‌لی عێراق به‌تایبه‌تی ده‌یدات.

به‌و بۆنه‌یه‌شه‌وه‌ سه‌ره‌خۆشی له‌ كه‌سوكار و نزیكانی هه‌ردووك كه‌سایه‌تی و هه‌ردووك حكومه‌تی فیدراڵی عێراق و كۆماری ئیسلامی ئێران ده‌كه‌ین.
ئێمه‌ له‌ كۆمه‌ڵی ئیسلامیی ده‌خوازین هه‌ڵوێست و كاردانه‌وه‌كان نه‌بنه‌ هۆی ئاڵۆزبوون و گرژیی زیاتری بارودۆخی ناوچه‌كه‌ به‌ گشتی و عێراق به‌ تایبه‌تی و، وه‌ تاكو ده‌كرێت به‌ حیكمه‌ته‌وه‌ مامه‌ڵه‌ له‌گه‌ڵ ئه‌م بارودۆخه‌ نوێیه‌ بكرێت و كێشه‌و گرفته‌كان به‌ گفتوگۆو حیوار چاره‌سه‌ر بكرێت.


ئه‌نجومه‌نی سیاسیی كۆمه‌ڵی ئیسلامیی كوردستان
5/1/2020

لە تۆڕە کۆمەڵایەتیەکان شەیری بکە

  • پێش 1 هەفتە

    ئه‌میری‌ كۆمه‌ڵی‌ ئیسلامی‌، به‌بۆنه‌ی‌ هاتنی‌ جه‌ژنی‌ قوربانی‌ پیرۆزه‌وه‌ پیرۆزبایی‌ له‌ هه‌موو موسڵمانان ده‌كات

  • پێش 1 هەفتە

    هه‌ڵوێستی فراكسیۆنی كۆمه‌ڵ له‌باره‌ی ده‌ستله‌كاركێشانه‌وه‌ی سۆران عومه‌ره‌وه‌

  • پێش 2 هەفتە

    كۆمه‌ڵ هه‌ڵوێستی خۆی له‌سه‌ر دوو پرس به‌ نوێنه‌رایه‌تى په‌یه‌ده ‌له‌ سلێمانی گه‌یاند

  • پێش 2 هەفتە

    سۆران عومه‌ر: سەرۆکی پەرلەمان بە ڕێککەوتن منی تەسلیمی پارتی کرد، ئێستاش پەرلەمانی تەسلیم کردن

  • پێش 2 هەفتە

    كۆمه‌ڵی ئیسلامی داوای كردنه‌وه‌ی مزگه‌وته‌كان ده‌كات

  • پێش 2 هەفتە

    به‌مه‌به‌ستی دڵنه‌وایی ‌و هاوخه‌میی ده‌ربڕین، مامۆستا عه‌لی باپیر سه‌ردانی بنه‌ماڵه‌ی مامۆستا مه‌لا جه‌میل عه‌لی كرد

  • پێش 3 هەفتە

    مامۆستا عه‌لی باپیر پرسه‌نامه‌یه‌ك ئاڕاسته‌ی بنه‌ماڵه‌ی مامۆستا مه‌لا جه‌میل ده‌كات

  • پێش 3 هەفتە

    وتەبێژی كۆمەڵی ئیسلامی: دەستلەكاركێشانەوەی سۆران عومەر بە راوێژ لەگەڵ حزب بووە

سەرەتا