10/12/2019
660 جار خوێنراوەتەوە
سەرۆکی یۆڤانتۆس لە بارەی چارەنووسی ساری ڕاهێنەرەوە قسەی خۆی کرد
پەیام سپۆرت - بڕیار تەها
ئاندریا ئانێلی
سەرۆکی یانەی یۆڤانتۆسی ئیتاڵی لە بارەی چارەنووس و داهاتووی ماوریزیۆ ساری
ڕاهێنەری یانەکەیانەوە بۆچوونی خۆی و کارگێڕی یانەکەی خستەڕوو.
لە میانی دیدارێکی
ڕۆژنامەوانیدا ئانیڵی سەرەتا ئاماژەی بەوە کرد، لە سەرەتایی وەرزی ئەمساڵدا لەگەڵ جێگرەکەی و
بەڕێوبەری وەرزشی یانەکەیدا گفوگۆیان بۆ دەستنیشانکردنی باشترین ڕاهێنەر
کردووە و سەرجەمیان متمانەیان بەوە هەبووە کە ساری وەک ڕاهێنەر بۆ وەرزی نوێ دیاری
بکەن.
لە بەشێکی دیکەی
قسەکانیدا سەرۆکی خانمەپیرەکەی ئیتاڵیا وتی: ساری ڕاهێنەرێکی لێهاتووە و شکۆ و
قورسایی یانەکەمان دەزانێت، ئێمەش بەردەوام پاڵپشتی دەکەین و متمانەمان پێیەتی.
لە کۆتایدا ئانێلی
ئەوەی خستەڕوو کە ساری ڕاهێنەر بە هەمان شێوەی یانەکەیان ئارەزووی بردنەوە و
بەدەستهێنانی ئەنجامی زۆر باش دەکات، یانەکەمان ڕووبەڕووی ئاڵنگاری قورس دەبێتەوە،
بەڵام ئێمە متمانەمان بە یانەکەمان هەیە دەتوانین بردنەوە تۆمار بکەین.
لە تۆڕە کۆمەڵایەتیەکان شەیری بکە