10/12/2019
659 جار خوێنراوەتەوە
پاریس سانجێرمان بۆ شوێنگرتنەوەی نێمار چاوی لە یاریزانێکی لیڤەرپووڵە
پەیام سپۆرت - بڕیار تەها
یانەی پاریس
سانجێرمانی فەرەنسی بۆ پڕکردنەوەی شوێنی نێمار داسێلڤای بەرازیلی چاوی لە
ئەستێرەیەکی هێڵی هێرشبردنی یانەی لیڤەرپووڵی ئینگلیزییە.
گۆڤاری فرانس
فوتبۆڵی فەرەنسی لە هەواڵێکی تایبەتدا ئاشکرای دەکات، لە ئەگەری ڕۆیشتنی نێمار لە
هاوینی داهاتوودا ئەوا کارگێڕی پاریس دەیەوێت سادیۆ مانێی سەنیگالی و هێرشبەری
لیڤەرپووڵ بە مەبەستی پڕکردنەوەی شوێنی ئەستێرە بەڕازیلییەکە بۆ ڕیزەکانی
بگوازێتەوە.
سەرچاوەکە زانیاری
زیاتری بڵاوکردۆتەوە و ئاماژە بەوە کردووە، کارگێڕی یانە فەرەنسییەکە
هەڵسەنگاندنیان بۆ ئاستی مانێ کردووە و پێیانوایە ئەو هێرشبەرەی لیڤەرپووڵ چ لە
ڕووی هێرشبردن و چ لە ڕووی بەرگریکردنەوە دەتوانێت هاوکارییەکی زۆری هاوڕێکانی
بکات و بەردەوامیش لە گەشەی زیاتردایە.
پێشبینی دەکرێت
کۆتایی ئەم وەرزە نێمار ڕیزەکانی پاریس جێبهێڵێت و گەڕانەوەشی بۆ بەرشەلۆنە
ئەگەرێکی کراوەیە، بەڵام گواستنەوەی مانێ لە لایەن یانەی پاریس سانجێرماەوە کارێکی
ئاسان نابێت، چونکە هێرشبەرە سەنیگالییەکە تا هاوینی ٢٠٢٣ گرێبەستەکەی لەگەڵ
لیڤەرپووڵ درێژەی هەیە و لە ئێستاشدا یانە ئینگلیییەکە بە هەموو شێوەیەک پارێزگاری
لە مانێ دەکات.
لە تۆڕە کۆمەڵایەتیەکان شەیری بکە