09/12/2019
692 جار خوێنراوەتەوە
تۆخێل پەیامێکی توند ئاڕاستەی مباپێ دەکات
پەیام سپۆرت - بڕیار تەها
تۆماس تۆخێلی
ئەڵمانی و ڕاهێنەری یانەی پاریس سانجێرمانی فەرەنسی پەیامێک ئاڕاستەی کیلیان
مباپێی هێرشبەری یانەکەی دەکات.
لە میانی دیدارێکی
ڕۆژنامەوانیدا لەگەڵ کەناڵ پڵەسی فەرەنسی سەبارەت بە تووڕەبوونی مباپێ پاش ئەوەی
بەرانبەر مونبیلیە گۆڕانکاری پێکرا، تۆخێل وتی: مباپێ نایەوێت لە یاریگادا
بهێندرێتە دەرەوە و ئەمەش شتێکی سروشتییە کە نیگەران بێت، بەڵام من بڕیارم دا
بەوەی چاوبۆ مۆتینگ لە شوێنی مباپێ بچێتە یاریگاوە و یاری بکات چونکە شایستە بوو.
لە کۆتایی
قسەکانیدا ڕاهێنەرەکەی پاریس پەیامێک ئاراستەی مباپێ دەکات و دەڵێت: من خاوەنی
بڕیارم لەوەی کێ یاری دەکات و کێ لە یاریگا دێتە دەرەوە، ڕاستە مباپێ بەوە
گۆڕانکاری پێکردنە دڵخۆش نەبوو، بەڵام ئەوە بڕیاری منە و پێویستە پێوەی پابەند بێت
و قبوڵی بکات.
لە تۆڕە کۆمەڵایەتیەکان شەیری بکە