08/12/2019
994 جار خوێنراوەتەوە
ڕۆژنامەیەکی کەتەلۆنی پێش کلاسیکۆ گاڵتە بە هازارد دەکات
پەیام سپۆرت - بڕیار تەها
دروستکردنی گۆڵی
یەکەم بۆ ئانتوان گریزمان لە لایەن مارک ئاندریە تێر شتیگنی گۆڵپارێزەرەوە دەبێتە
چەکێکی دەستی ڕۆژنامە کەتەلۆنییەکان تا ئەوەی گاڵتە بە هازاردی هێرشبەری ڕیاڵ
مەدرید بکەن.
شەوی دوێنی لە
یاری نێوان بەرشەلۆنە و مایۆرکا پاش تێپەڕبوونی تەنیا 7 خولەک
ئانتوان گریزمان گۆڵی یەکەمی بۆ بەرشەلۆنە تۆمار کرد، ئەوەی جێگای سەرنج بوو
ئاسیستکاری گۆڵەکە مارک ئاندریە تێرشتیگنی گۆڵپارێزی یانە کەتەلۆنییەکە بوو، کە
هاوکات دروستکردنی ئەو گۆڵە بووە دووەم گۆڵدروستکردنی تێرشتیگن لەم وەرزەدای
لالیگادا.
سەبارەت بەو
ڕووداوە ئەمڕۆ ڕۆژنامەی مۆندۆ دیپۆرتیڤۆی کەتەلۆنی لە هەواڵێکی تەنز ئامێزو گاڵتەدا
دەنووسێت "گۆڵچی بەرشەلۆنە دوو گۆڵی لەم وەرزەدا بۆ هاوڕێکانی دروستکردووە،
بەڵام هازاردی هێرشەری ڕیاڵ مەدرید تەنیا یەک گۆڵی دروستکردووە".
لە درێژەی
هەواڵەکەدا ڕۆژنامە کەتەلۆنییەکە خراپ گاڵتە بە هازادی بەلجیکی دەکات و دەنووسێت
"تێر شتیگن سەرەڕای ئەوەی گۆڵپارێزە بەڵام دوو گۆڵی بۆ هێرشەرەکان
دروستکردووە، ئەمەش زیاترە لە هێرشبەرێکی قەڵە و کێش زۆری وەک ئیدین هازارد".
هەر لەم وەرزەدا تێر
شتیگن لە یاری یانەکەی بەرانبەر خیتافی توانیبووی گۆڵێک بۆ لویس سوارێز دروست
بکات.
لە تۆڕە کۆمەڵایەتیەکان شەیری بکە