08/12/2019
401 جار خوێنراوەتەوە
سهرۆك كۆماری ئێران: ڕەشنوشی بودجەی وڵاتەكەی بەبەهای 39 ملیار دۆلار ناردە پەرلەمان
پهیام
سەرۆك كۆماری ئێران ڕەشنوشی بودجەی وڵاتەكەی بە
بەهای نزیكەی 39 ملیار دۆلار ناردە پەرلەمانی وڵاتەكەی و قەرزێكی زۆریشی لە روسیا
كردوە.
حەسەن رۆحانی سەرۆك كۆماری ئێران لەو بارەیەوە
رایگەیاند وڵاتەكەی لە توانایدایە بەرگری بكات بەرامبەر ئەو سزایانەی ئەمریكا بەسەریدا
سەپاندون لەڕێی دانانی سنورێك بۆ پشت بەستنەكانیان لە هاوردەكردنی نەوتی وڵاتەكەیاندا.
رۆحانی بە پەرلەمانی وڵاتەكەی راگەیاندوە ئەم
بودجەیە كە برەكەی نزیكەی 39 ملیار دۆلارە بەرگرییەكە لە سزاكان، لە رێگای كەمركرنەوەی
پشت بەستنەكانمان بە نەوت.
ئەوە لە كاتێكدایە كە بۆ تەواوكردنی بودجەكەی بڕی
پێنج ملیار دۆلاری لە حكومەتی روسیا قەرزكردوە.
دوای ئەوەی ئەمەریكا بە بڕیارێكی دۆناڵد ترەمپ
لە رێككەوتنی ئەتۆمی كشایەوە، چەندین سزای قورسی ئابوری بەسەر كەرتی نەوتی ئەو وڵاتەدا
سەپاند، لە بەرامبەردا ئێران هەوڵدەدات لە ئەمساڵدا پشت بەستنەكانیان بە نەوت وەك
سەرچاوەیەكی داهات كەم بكەنەوە.
لە تۆڕە کۆمەڵایەتیەکان شەیری بکە