06/12/2019
338 جار خوێنراوەتەوە
حكومەتی توركیا سێ سەرۆك شارەوانی شاری (وان)ی لە باكووری كوردستان دەستگیركرد
په‌یام
بە تۆمەتی بانگەشە بۆ پارتی كرێكارانی كوردستان، حكومەتی توركیا سێ سەرۆك شارەوانی شاری (وان)ی لە باكووری كوردستان دەستگیر كرد.
ئاژانسی ئەنادۆڵوی توركیا بڵاوی كردەوە: سەرۆك شارەوانییەكانی شارۆچكەكانی (مورادیە، ئۆزاڵپ و باشكالە) لە پارێزگای (وان) كە سەر بە پارتی دیموكراتی گەلان (هەدەپە)ن، دەستگیركران.
بەپێی زانیاری ئاژانسەكە، حكومەتی توركیا هۆكاری دەستگیركردنی ئەو سەرۆك شارەوانییانەی بۆ بانگەشەكردن بۆ پارتی كرێكارانی كوردستان (پەكەكە) گەڕاندووەتەوە كە ئەو ڕێكخراوێكی تیرۆریست لێی دەڕوانێت.
ئاژانسەكە ئاماژەی بۆ ئەوەش كردووە، هەر سێ سەرۆك شارەوانییەكە بە بڕیاری سەرۆكایەتی داواكاری كۆماریی وان لێكۆڵینەوەیان لەگەڵدا دەكرێت.
ڕۆژی ڕابردووش، پۆلیسی توركیا لە پارێزگای موش دوو ئەندامی ئەنجومەنی گشتی هەدەپەیان دەستگیركرد كە لە ئەیلولی ئەمساڵەوە لە كارەكانیان دوورخراونەتەوە.
لە تۆڕە کۆمەڵایەتیەکان شەیری بکە