06/12/2019
401 جار خوێنراوەتەوە
ئێران: (دەستپێشخەری ئاشتی هوڕموز) ڕۆڵی گرنگ له كهمكردنهوهی گرژی ناوچهكه دهبینێت
پهیام
(عەباس عێراقچی) یاریدەدەری وەزیری دەرەوەی ئێران ڕایگەیاند: دەستپێشخەرییەكەی تاران لەبارەی گەرووی هورموز و ئاوەكانی كەنداوەوە هەنگاوێكی گرنگە بە ئاڕاستەی كەمكردنەوەی گرژی لە ناوچەكە.
یاریدەدەری وەزیری دەرەوەی ئێران لەمیانی دیداری لەگەڵ بریكاری وەزیری دەرەوەی كوەیت ڕایگەیاند: ئێران ئامادەیە بۆ هاوكاریو هەماهەنگی لەگەڵ هەر وڵاتێك كە كار لەسەر جێبەجێكردنو سەركەوتنی دەستپێشخەرییەكەی بكات.
(عەباس عێراقچی) ئەوەی بە بەرپرسانی كوەیتیش ڕاگەیاندووە كە سەرجەم وڵاتانی كەنداو دەتوانن ڕۆڵی گرنگ لە ڕەنگڕێژی داهاتووی ناوچەكەدا ببینن.
لە 25ی ئەیلوولی ئەمساڵدا، سەرۆكی ئێران لە كۆبوونەوەی گشتی نەتەوەیەكگرتووەكان "دەستپێشخەری ئاشتی هوڕموز"ی ڕاگەیاند.
لە كۆتایی تشرینی یەكەمیشدا، وەزیری دەرەوەی ئێران بنەما سەرەكییەكانی دەستپێشخەرییەكەی ئاشكرا كرد كە خۆی لە "دەستوەرنەدان لە كاروباری یەكتر"، "دەستدرێژینەكردنە سەر یەكتر"، "پابەندبوون بە ئاسایشی وزە"و "پەنابردنە بەر یاسای نێودەوڵەتی"دا دەبینێتەوە.
لە تۆڕە کۆمەڵایەتیەکان شەیری بکە