كۆبوونەوەی فراوانی دەزگای شەهیدان‌و پێشمەرگە دێرینەكانی كۆمەڵی ئیسلامی بەڕێوەچوو

په‌یام

لە شاری سلێمانی‌و بە ئامادەبوونی بەرپرس‌و كارگێڕانی دەزگاكە، دەزگای شەهیدان‌و پێشمەرگە دێرینەكان لەگەڵ نوێنەر و بەرپرسی ئەنجومەنی پێشمەرگە لە سنووری مەڵبەندەكان كۆ بووەوە.

لە كۆبوونەوەكەدا باس لە دۆخی عێراق‌و هەرێم‌و ناوچەكە بەگشتی كرا، پاشان باس لە كار و ئەركەكانی دەزگای شەهیدان‌و پێشمەرگە دێرینەكان، بەتایبەت خزمەتكردن بە خانەوادەی شەهیدان‌و پێشمەرگە ماندوونەناسەكانی كۆمەڵی ئیسلامی، كرا.

لە بەشێكی دیكەی كۆبوونەوەكەدا، بە گرنگییەوە باس لە ئامادەسازییەكان بۆ بەستنی كۆنگرەی چوارەمی كۆمەڵی ئیسلامی كرا.

هەر لە كۆبوونەوەكەدا، ئەوەش دووپات كرایەوە كە لە ئاییندەدا بە گوڕ و تینێكی باشترەوە خزمەت بە كاری ئیسلامی‌و خەڵك‌و خاكی كوردستان، دەكەن.