06/12/2019
354 جار خوێنراوەتەوە
خۆپیشاندەرانی لوبنان شەقامو ڕێگاوبانەكانیان بە ڕووی هاتوچۆدا داخست
پهیام
خۆپیشاندەرانی لوبنان لەپێناو ڕەتكردنەوەی پاڵێوراوێك بۆ پێكهێنانی حكومەت، شەقامو ڕێگاوبانەكانیان بە ڕووی هاتوچۆدا داخست.
ڕۆژی چوارشەممە و پێنجشەممەش، خۆپیشاندەرانی لوبنان وەك ناڕەزایەتی لە بڵاوبوونەوەی هەواڵی ڕاسپاردنی (سەمیر خەتیب) بە پێكهێنانی كابینەی نوێی حكومەت، شەقامو ڕێگاكانیان بە ڕووی هاتوچۆی ئۆتۆمبێلدا داخست.
پێشتر، گرووپی (شۆڕشی 17ی تشرینی یەكەم) ئاشكرای كرد "لەو پێناوەدا كە (سەمیر خەتیب) كەسایەتی خاوەنكار بۆ پێكهێنانی حكوومەت ڕانەسپێردرێت، سەرجەم شەقامەكانی وڵاتەكە بە ڕووی هاتوچۆدا دادەخەن".
بڕیارە ڕۆژی دووشەممەی داهاتوو، سەرۆككۆماری لوبنان كۆبوونەوە ڕاوێژكارییەكانی بە مەبەستی دیارییكردنی كەسێك بۆ پێكهێنانی كابینەی نوێ حكومەت، دەست پێ بكات.
لای خۆیەوە، گرووپی 17ی تشرینی یەكەم داوا دەكات ئەركی پێكهێنانی حكومەت بە (سەمیر خەتیب) نەدرێتو فشارەكانیشان بۆ دەستلەكاركێشانەوەی سەرۆككۆمار دەست پێ دەكەن.
لە تۆڕە کۆمەڵایەتیەکان شەیری بکە