20/11/2019
1125 جار خوێنراوەتەوە
هۆکارەکەی ئاشکرا دەبێت، بۆچی مۆرینیۆ لە تۆتینهام یاریدەدەر و هاوڕێکەی لەگەڵ نابێت؟
پەیام سپۆرت - بڕیار تەها
جۆزێ مۆرینۆی بۆ
یەکەمجار پاش نزیکەی 18 ساڵ کارکردن بەبێ ڕوی ڤاریای
یاریدەدەری ئەرکێکی ڕاهێنەرایەتی وەردەگرێت.
میدیاکانی
بەڕیتانیا ئاشکرا دەکەن کە مۆرینۆ بەبێ ڕوی ڤاریای هاوڕێ و یاریدەدەری لەگەڵ یانەی
تۆتینهام دەست بە مەشقدانی ئەو یانەیە دەکات، ئەمەش لە کاتێکدایە کە هاوینی
ڕابردوو ڤاریا لەگەڵ یانەی دەحیلی قەتەڕی گرێبەستی واژۆ کرد و ئەرکی ڕاهێنەرایەتی
ئەو یانە عەرەبییەی وەرگرت، ئێستاش یانەکە بە کۆکردنەوەی 26 خاڵ پێشەنگی خولی قەتەری
گرتووە.
سەرچاوەکە ئەوەشی
ئاشکرا کردووە کە مۆرینۆ لەگەڵ یانەی تۆتینهام خواو ساکارمینتۆی وەک یاریدەدەر
دەستنیشانکردووە و لەگەڵ ئەو یاریدەدەرە کارەکانیان ڕادەپەڕێنن.
ڕوی ڤاریا لە ساڵی 2001وە و لە یانەی ئاونیاو لیریای پۆرتوگالییەوە
لە تەنیشت مۆرینۆ بەردەوام کاری کردووە و لەسەرجەم یانەکانی پۆرتۆ و چێڵسی لە (دوو
وێستگەدا) و ئینتەرمیلان و ڕیاڵ مەدرید و مانچستەر یونایتد یاریدەدەری سپێشڵ وەن
بووە.
لە تۆڕە کۆمەڵایەتیەکان شەیری بکە