پێش 4 هەفتە
3090 جار خوێنراوەتەوە
بەپێی پێشبینییەكان.. پلەكانی گەرما بۆ خوار سفری سەدی دادەبەزن
په‌یام
بەپێی پێشبینییەكانی كەشوهەوا، لە ڕۆژەكانی كۆتایی مانگدا پلەكانی گەرما لە پارێزگای سلێمانی بۆ خوار سفری سەدی دادەبەزن.
ماڵپەڕە جیهانییەكانی كەشوهەوا ئەوە نیشان دەدەن كە لە 25ی ئەم مانگەوە پلەكانی گەرما لە پارێزگای سلێمانی بۆ پلەكانی دووی ژێر سفری سەدی دادەبەزن.
بەپێی پێشبینییەكانی ماڵپەڕە بەناوبانگەكانی كەشناسی جیهانی، لە ڕۆژی یەكشەممەی داهاتووەوە پلەی گەرما لە پارێزگای سلێمانی بۆ یەك پلەی سەدی دادەبەزن‌و چەند ڕۆژێك بەو شێوەیە بەردەوام دەبێت تا لە هەینی داهاتووەوە دەگاتە سفر و لە ڕۆژانی دواتریش بۆ یەك و دوو پلە خوار سفر دادەبەزێت.
لە ڕووی دابەزینی پلەكانی گەرماوە، دوای سلێمانی، پارێزگای دهۆك بە پلەی دووەم دێت، بەڵام ناگاتە خوار سفری سەدی.
لای خۆیەوە، (سادق عەتیە) كەشناسی دیاری عێراقی لە ئەكاونتی خۆی لە فەیسبووك نووسیویەتی: بەهۆی نزیكبوونەوەی بەرزە پاڵەپەستۆی ناوچەی سیبیریا لە ئاسمانی عێراق، پلەكانی گەرما لە ڕۆژانی داهاتوودا دابەزینێكی گەورە بەخۆوە دەبینێت”.
ئەو كەشناسە عێراقییە ئاماژەی بەوەش داوە لە ڕۆژی یەكشەممەی داهاتووەوە پلەكانی گەرما لە ناوەڕاست‌و خۆراوا و باكووری عێراق نزمبوونەوە بەخۆوە دەبینێت.
لە تۆڕە کۆمەڵایەتیەکان شەیری بکە