18/04/2025
140 جار خوێنراوەتەوە
داوا دەكرێت هاوشێوەی هەڵەبجە دەشتی نەینەواش بكرێتە پارێزگایەكی سەربەخۆ
پەیام
دوای بەپارێزگابوونی هەڵەبجە، كلدان و ئاشوورییەكانیش داوای گۆڕینی دەشتی نەینەوا بۆ پارێزگایەكی سەربەخۆ دەكەن.
بەپێی نوسراوێك كە چوار حزبی كلدانی و ئاشوری لە ڕۆژی 15ی ئەم مانگە ئاراستەی ڕای گشتی عیراق و لایەنە پەیوەندیدارەكانیان كردووە، پێیان وایە عیراق بەرەو وڵاتێكی لامەركەزیی و فراوانكردنی دەسەڵاتی پارێزگاكان دەچێت، بۆیە ئێستا كاتی ئەوەیە دەشتی نەینەوا هاوشێوەی هەڵەبجە بكرێتە پارێزگایەكی سەربەخۆ.
ئەو حزبانە بە ئاماژەدان بە چەند ماددەیەكی دەستووریی و یاسایی، دەڵێن، لە پێناوی هێنانەدی دادپەروەریی و یەكسانی لە نێوان تەواوی پێكهاتەكانی عیراق پێویستە دەشتی نەینەوا بكرێتە پارێزگا و جەختیشیان لەوە كردووەتەوە كە دەستبەرداری ئەو مافەیان نابن.
لە تۆڕە کۆمەڵایەتیەکان شەیری بکە