پێش 4 هەفتە 303 جار خوێنراوەتەوە

ئیبراهیم پاشای بابان كێ بوو؟

په‌یام

1- یه‌كێكه‌ له‌ پاشا به‌هێزه‌كانی ئه‌ماره‌تی بابان.
دروستكه‌ر و بونیادنه‌ری شاری سلێمانییه‌،
كه‌ بووه‌ وه‌رچه‌رخانێكی گه‌وره‌ی ئه‌ماره‌ته‌كه‌.

2- ئیبراهیم، كوڕی ئه‌حمه‌د پاشای كوڕی سلێمان پاشایه‌،
له‌ دوای مه‌حموود پاشای بابان، كه‌ مامی بووه‌،
له‌ ساڵی 1782 بووه‌ به‌ میری ئه‌ماره‌تی بابان.

3- به‌شێكی زۆری ته‌مه‌نی له‌ به‌غدا به‌سه‌ربردووه‌،
هه‌ر له‌ به‌غدا زانست و زانیاریی به‌ده‌ستهێناوه‌.
پیاوێكی زیره‌ك و به‌هێز و پێشكه‌وتوو بووه‌.
زیاتر حه‌زی به‌ ژیانی شارستانی هه‌بووه‌.

4- ساڵی 1784 بنچینه‌ی شاری سلێمانی داناوه‌،
له‌ نزیك (سه‌را)ی ئێستاوه‌ ده‌ستی پێكردووه‌،
كه‌ پێشتر مه‌حموود پاشای مامی له ساڵی‌ 1775،
چه‌ند خانوویه‌كی له‌و سه‌رایه‌دا‌ دروستكردبوو.

5- دۆستی نزیكی سڵێمان پاشای والی به‌غدا بووه‌،
هه‌ر به‌و هۆیه‌وه‌ شاره‌ نوێیه‌كه‌ی ناوناوه‌ سوله‌یمانی،
له‌ 14ی تشرینی دووه‌می 1784 له‌ قه‌ڵاچوانه‌وه‌،
پایته‌ختی گواسته‌وه‌ بۆ شاری سلێمانی.

6- چه‌ند جارێك كراوه‌ به‌ میری بابان و لابراوه‌،
ئه‌م ده‌ستاوده‌ستكردنه‌‌ به‌ میره‌كانی بابان،
په‌یوه‌ندیی به‌ ململانێی ناوخۆییه‌وه‌ هه‌بووه‌.

7- هه‌وڵی به‌رده‌وامی هه‌بوو بۆ فراوانخوازیی ده‌سه‌ڵات،
توانیی سنووری ئه‌ماره‌تی بابان زۆر به‌رین بكات،
ده‌سه‌ڵاتی گه‌یانده‌ خانه‌قین، قه‌سری شیرین و زه‌هاو.

8- پیاوێكی زانا و خواناس و ئه‌ده‌بدۆست بوو،
دیوانی میری بابان شوێنی ئه‌ده‌بدۆستان بووه،
مزگه‌وتی گه‌وره‌ی كرده‌ بنكه‌ی زانست و زانین،
(شێخ مارفی نۆدێ)ی كرده‌ موفتی شار.

9- كاتێك عوسمانییه‌كان و ئێزدییه‌كان به‌شه‌ڕ هاتن،
والی به‌غدا داوای كۆمه‌كی له‌ ئه‌ماره‌تی بابان كرد،
ئیبراهیم پاشا سوپایه‌كی بۆ هاوكاریی ئاماده‌ كرد.

10- ئیبراهیم پاشا بۆخۆی پیاوێكی دلێر و لێهاتوو بوو،
له‌و جه‌نگه‌دا خۆی سه‌رپه‌رشتیی سوپاكه‌ی كرد،
له ‌شه‌ڕكه‌دا تووشی نه‌خۆشییه‌كی قورس هات،
به‌هۆی ئازاییه‌كه‌یه‌وه‌ پێی شه‌رمبوو بڵێت: نه‌خۆشم.

11- دواتر نه‌خۆشییه‌كه‌ی به‌ته‌واوی ته‌شه‌نه‌ی سه‌ند،
ساڵی 1802 له‌ شاری موسڵ كۆچی دوایی كرد،
ته‌رمی ئیبراهیم پاشا هه‌ر له‌ شاری موسڵ،
له‌ ته‌نیشت گۆڕی نه‌بی یونس به‌خاك سپێردرا.

ئاماده‌كردن: سه‌ڵاح سالار

لە تۆڕە کۆمەڵایەتیەکان شەیری بکە

  • 2 خولەک پێش ئێستا

    ئایا ڕێجیم کردن ئه‌بێته‌ هۆی قژ وه‌رین

  • 2 رۆژ پێش ئێستا

    هەنگوینی مەلەکی چی یە؟ سودەکانی چی یە؟

  • 2 رۆژ پێش ئێستا

    چ په‌یوه‌ندییه‌ك له‌نێوان گروپی خوێن و جۆری ئه‌و خۆراكانه‌دا هه‌یه‌ كه‌ ده‌بنه‌هۆی قه‌ڵه‌وی؟

  • 2 رۆژ پێش ئێستا

    تائێستا ئه‌م سودانه‌ی شێلمت زانیوه‌؟

  • 2 رۆژ پێش ئێستا

    جیاوازی چییە لەنێوان قەتیسبوونی گەرمیی و گۆڕانی ئاو وهەوا؟

  • 7 رۆژ پێش ئێستا

    ھۆکارەکانی لەرزینی دەست و پەنجەکان

  • پێش 1 هەفتە

    چ جۆرە زەیتێکی ڕووەکی باشە بۆ نەھێشتنی ئاوسان، ئازار و ھیلاکی جومگەو ماسولکەکان؟

  • پێش 2 هەفتە

    شەق بوونی پێست چیە ؟

سەرەتا