25/03/2025
260 جار خوێنراوەتەوە
وردەکاری گرێبەستەکەی ڕیاڵ مەدرید و ئاڕنۆڵد ئاشکرا دەبێت
پەیام سپۆڕت - بڕیار تەها
یانەی ڕیاڵ مەدرید تەنیا یەک هەنگاو لە گواستنەوەی ئالیکسەندەر
ئاڕنۆڵدی بەرگریکاری لیڤەرپووڵ دوورە.
تەواوی ڕۆژنامەنووسە بەناوبانگەکانی ئەورووپا بە یەکەوە
و لە یەک کاتدا زانیارییان لەسەر دوایین گفتوگۆکانی نێوان ڕیاڵ مەدرید و ئاڕنۆڵد
بڵاوکردەوە و ئاشکرای دەکەن، یانەی ڕیاڵ مەدرید تەنیا یەک هەنگاو لە گواستنەوەی
ئەو بەرگریکارە 26 ساڵە دوورە و چەند وردەکارییەکی ئاسان ماوە لە گرێبەستەکەدا
لەسەری ڕێک بکەون.
باس لەوە دەکرێت، ئاڕنۆڵد بە گرێبەستێکی پێنج وەرزە
پەیوەندی بە ڕیاڵ مەدریدەوە دەکات و مووچەکەی 220 هەزار پاوەند دەبێت لە
هەفتەیەکدا، نزیکەی 13 ملیۆن یۆرۆ دەکات بۆ هەر وەرزێک.
ڕیاڵ مەدرید بۆ گواستنەوەی ئاڕنۆڵد گفتوگۆ لەگەڵ یانەی
لیڤەرپووڵ ناکات، بەو پێیەی گرێبەستی یاریزانەکە هاوینی ئەمساڵ لەگەڵ یانە
ئینگلزییەکە کۆتایی دێت، چاوەڕوان دەکرێت دوای کۆتاییهاتنی یارییەکانی پرێمەرلیگ
بە فەرمی گرێبەستی ئاڕنۆڵد بۆ یانەی شاهانە ڕادەگەیەندرێت.
لە تۆڕە کۆمەڵایەتیەکان شەیری بکە