11/11/2019 167 جار خوێنراوەتەوە

چی ده‌رباره‌ی زێوه‌ری شاعیر ده‌زانی؟

1
شاعیر و نووسه‌رێكی خواناسی دیاری كوردستانه‌، جگه‌ له‌ بواری شیعر، وه‌ك مامۆستایش له‌ قوتابخانه‌، خزمه‌تی زۆری به‌ منداڵانی شاری سلێمانی كردووه‌.
2
ناوی عبدوڵا، كوڕی محه‌مه‌د ئه‌فه‌ندی مه‌لا ڕه‌سووڵه‌. بنه‌چه‌ی خانه‌واده‌كه‌ی ده‌گه‌ڕێته‌وه‌ بۆ ناوچه‌ی پشده‌ر. له‌ 1875 له‌ كانی ئاسكانی شاری سلێمانی له‌دایكبووه‌.
3
بۆ خوێندنی زانسته‌ شه‌رعییه‌كان ئه‌م ناوچانه‌ گه‌ڕاوه‌: مه‌ریوان، بانه‌، سابڵاخ، ڕه‌واندوز، هه‌ولێر، كه‌ركووك، دواجار گه‌ڕاوه‌ته‌وه‌ سلێمانی بۆدرێژه‌دان به‌ خوێندن‌.
4
ساڵی 1901 له‌ سه‌رده‌می ده‌سه‌ڵاتی عوسمانییه‌كاندا، به‌مه‌به‌ستی خوێندن ڕووی له‌ ئه‌سته‌نبووڵ كردووه‌، پاش چوار ساڵ له‌ خوێندن گه‌ڕاوه‌ته‌وه‌ بۆ سلێمانی.
5
ساڵی 1908 كراوه‌ به‌ مامۆستای قه‌واعیدی توركی، له‌ 1914 كراوه‌ به‌ باش موعه‌لیم (وه‌كیلی مامۆستا)، ساڵی 1918 له‌ سه‌رده‌می ده‌سه‌ڵاتی ئینگلیزه‌كاندا، پیشه‌كه‌ی گۆڕاوه‌ به‌ (باش كاتب تحریرات).
6
له‌ 19ی شوباتی 1921، له‌ ناو شاری سلێمانییدا، كراوه‌ته‌ مامۆستای قوتابخانه‌ی نموونه‌ی‌ سه‌عاده‌ت، ساڵی 1930 وه‌كو سزادان دورخراوه‌ته‌وه‌ بۆ به‌رزنجه‌، ساڵی 1938 له‌وێشه‌وه‌ دوورخراوه‌ته‌وه‌ بۆ بیاره‌.
7
زێوه‌ری شاعیر كه‌سێكی نه‌فسه‌به‌رز و دامه‌زراو بوو، له‌به‌رانبه‌ر مووچه‌دا سه‌ری بۆ ده‌سه‌ڵات نه‌ویی نه‌كرد، بۆیه‌ دواجار به‌ مووچه‌یه‌كی زۆركه‌م خانه‌نشین كرا.
8
له‌ شیعره‌كانیدا لایه‌نی خواناسیی و نیشتمانیی گرتووه‌، كوڕه‌كه‌یشی به‌ناوی به‌ختیار زێوه‌ر شاعیرێكی دیاره‌، كۆتایی ته‌مه‌نی زۆرتر سه‌رقاڵی كۆڕی شیعری بوو، به‌تایبه‌تی له‌ مزگه‌وتی (بن ته‌به‌قی هه‌رمنی)
9
جگه‌ له‌ شیعر، كۆمه‌ڵی نووسراوی هه‌یه‌ كه‌ ئه‌مانه‌ن: ژیانی پێغه‌مبه‌ران، ده‌سته‌ گوڵی لاوان، سوزناك كربلا، چیرۆكی خێوی ناو مزگه‌وت، من عمان الی العمادیة، فه‌رهه‌نگی زێوه‌ر، الزنبقة البیضاء، سۆزی نیشتمان.
10
گه‌نجینه‌ی مه‌ردان و یاداشتی ڕۆژانی ده‌به‌رده‌ری، كتێبی بیره‌وه‌ریی خۆی و شێخ مه‌حموودی حه‌فیده‌، له‌گه‌ڵ هه‌ندێ نووسین و بابه‌تی دیكه‌ی وه‌رگێڕدراو. كه‌ پاش مه‌رگی خۆی به‌چاپ گه‌یه‌نراوه‌.
11
له‌ 10ی تشرینی دووه‌می 1948 كۆچی دوایی كردووه‌، له‌ گۆڕستانی (گردی جۆگا) ئه‌سپه‌رده‌ی خاك كراوه‌. دیوانێكی شیعری نایابی له‌پاش خۆی به‌جێهێشتووه‌.

لە تۆڕە کۆمەڵایەتیەکان شەیری بکە

  • پێش 3 هەفتە

    كۆساری لە نێوان ئاین و نەتەوەدا

  • 11/11/2019

    چی ده‌رباره‌ی زێوه‌ری شاعیر ده‌زانی؟

  • 09/11/2019

    مەلەی نێو ئەستێركی باغەكەی ئەبوزەر

  • 07/10/2019

    ئەزمە

  • 06/10/2019

    یەکێک لە سروودە بەناوبانگەکانی هونەری ئیسلامی ژێرنوسی كوردی بۆ زیادکرا

  • 02/09/2019

    شووشه‌ سڕی نیشتیمان

  • 20/08/2019

    توركیا وشه‌ی كوردستان له‌ رۆمانێكی پاولۆ كۆیلۆ ده‌سڕێته‌وه‌

  • 06/08/2019

    رۆمانی ده‌ریاس و لاشه‌كان سه‌ریاس چۆن هاته‌وه‌و بۆ ونبوو؟

سەرەتا