20/02/2025
1520 جار خوێنراوەتەوە
سۆران عومەر: بۆ تەوتین، وەزارەتی دارایی عێراق داوای ژمارەی بانكیی فەرمانبەرانی هەرێم دەكات
پەیام
ئەندامێكی ئەنجومەنی نوێنەرانی عێراق
ڕایدەگەیەنێت وەزارەتی دارایی عێراق بۆ تەوتینی مووچە، بەپەلە داوای هەژماری بانكی
فەرمانبەرانی هەرێم دەكات.
سۆران عومەر سەرۆكی فراكسیۆنی كۆمەڵی
دادگەری لە ئەنجومەنی نوێنەرانی عێراق لە ئەكاونتی خۆی لە تۆڕی كۆمەڵایەتی فەیسبووك
بڵاویكردەوە، وەزارەتی دارایی عێراق بە نووسراوی ژمارە (4246) لە بەرواری 17ی ئەم
مانگە پشتبەست بە نووسراوێكی دیكەی نووسینگەی سەرۆكوەزیران، داوای كردووە بەپەلە
ژمارەی بانكی فەرمانبەران لەگەڵ لیستی مووچەی مانگی شوبات و مانگەكانی دیكە بۆ تەوتین
بنێردرێت، بەپێی ئەو ڕێكارانەی دادگای فیدراڵی دیاری كردووە.
سۆران عومەر دەشڵێت: وەزارەتی دارایی
عێراق جگە لەوە داوای داهاتی ناوخۆ دەكات و بەو 51 ملیار دینارەی كە هەرێم وەك
داهاتی ناوخۆ بۆ دارایی عێراقی گەڕاندووەتەوە ڕازی نییە.
هەروەها دەڵێت: لە كۆتایی نووسراوەكەدا
داوای كردووە داهاتی نەوتی هەرێم بخرێتە هەژمارەی وەزارەتی دارایی عێراق لە بانكی
ناوەندی.
لە تۆڕە کۆمەڵایەتیەکان شەیری بکە