17/02/2025
201 جار خوێنراوەتەوە
بەریتانیا: ئەگەر پێویست بكات ئامادەین هێز بنێرین بۆ ئۆكرانیا
پەیام
سەرۆكوەزیرانی بەریتانیا دەڵێت ئەگەر پێویست بكات ئامادەن هێز بۆ ئۆكرانیا بنێرن.
كیر ستارمەر، ئاماژەی بەوە داوە ئەگەر ڕێككەوتنی ئاشتی لەگەڵ ڕووسیا بۆكۆتاییهێنان بە جەنگ لە ئۆكرانیا بێتە دی ئەوا ئامادەن هێزی ئاشتیپارێز بنێرنە ئۆكرانیا.
ستارمەر لە ڕۆژنامەی دەیلی تەلەگراف نتووسیویەتی، بەریتانیا خواستی ئەوەی هەیە كە بەشداربێت لە دابینكردنی گرەنتیی ئاسایش بۆ ئۆكرانیا لەڕێی جێگیركردنی هێزەكانیەوە لەسەر زەوی. ڕاشیگەیاندووە: بەریتانیا ئامادەیە ڕۆڵی سەركردایەتی بگێڕێت لە پاراستن و ئاسایشی ئۆكرانیا، لەو چوارچێوەیەشدا تا ساڵی 2030 ئامادەن ساڵانە سێ ملیار جونەیهی ئیستەرلینی ببەخشێتە ئەو وڵاتە كە دەكاتە 3 پۆینت 78 ملیار دۆلار.
لێدوانەكانی ستارمەر لەكاتێكدان بڕیارە ئەمڕۆ سەركردەكانی ئەوروپا لە پاریسی پایتەختی فەڕەنسا كۆببنەوە و گفتوگۆ لەبارەی دوایین هەڵوێستی ئەمریكاوە بكەن لەسەر جەنگی ئۆكرانیا و دۆسیەی ئاگربەست.
لە تۆڕە کۆمەڵایەتیەکان شەیری بکە