26/11/2024
257 جار خوێنراوەتەوە
چاوهڕێ دهكرێت عێراق دوو ترلیۆن و 280 ملیار دینار بۆ ههرێم بنێرێت
هیشتا چارهنووسی مووچهی مانگی 10 دیار نییه و ههرێم لیستی مووچهی مانگی 11 دهداته بهغداد.
وهزارهتی دارایی و ئابوریی حكومهتی ماوهبهسهرچووی ههرێمی كوردستان ڕایگهیاند: لیستی مووچهی فهرمانبهران و مووچهخۆرانی ههرێم لهلایهن نوێنهری وهزارهتی داراییهوه ڕادهستی وهزارهتی دارایی حكومهتی فیدڕاڵ كرا.
لهو بارهیهوه سۆران عومهر، ئهندامی ئهنجوومهنی نوینهرانی عێراق ڕأیگهیاند، چاوهڕێ دهكرێت عێراق دوو ترلیۆن و 280 ملیار دینار بۆ ههرێم بنێرێت بۆ دابهشكردنی مووچهی سێ مانگی كۆتایی ئهمساڵ، واته بۆ ههر مانگێك 760 ملیار دینار، بهمجۆره پێویسته ههرێم له داهاتی ناوخۆ كهموكوڕیی پارهی مووچه پڕ بكاتهوه.
سۆران عومهر ڕأشیگهیاند: هۆكاری نهناردنی مووچه پابهند نهبوونی ههرێمی كوردستانه به ڕێككهوتنهكان و بڕیارهكانی دادگاوه بهڵام ههرێم پابهند نهبووه، ئهم بڕیارهی عێراقیش به فشاری فڕاكسیۆنه كوردستانییهكان و دادگای فیدڕاڵیی عێراق دراوه ئهگهرنا حكومهتی ههرێم ئهركهكانی خۆیی لهڕێككهوتن جێبهجێ نهكردووه.
لە تۆڕە کۆمەڵایەتیەکان شەیری بکە