11/11/2024
153 جار خوێنراوەتەوە
جەدعون ساعر: دروستكردنی دەوڵەتی فەڵەستین بابەتێكی ناواقعییە
پەیام
وەزیری دەرەوەی قەوارەی زایۆنی دەڵێت: دروستكردنی دەوڵەتی سەربەخۆی فەڵەستینی ئەمڕۆ بابەتێكی ناواقعییە.
جەدعون ساعر، لە كۆنگرەیەكی ڕۆژنامەوانیدا لە قودسی داگیركراو لە وەڵامی ئەو پرسیارەی ئایا گەڕانەوەی دۆناڵدترەمپ بۆ كۆشكی سپی ڕێككەوتنی ئاشتی دەهێنێتە بوون؟ وتی: با واقعی بین، پێم وانیە هیچی وا بگۆڕێت.
وەزیری دەرەوەی قەوارەی زایۆنی ڕاشیگەیاند: دەوڵەتی داهاتووی فەڵەستین دەبێتە دەوڵەتی حەماس، ئەمەش لە ئێستادا بابەتێكی ناواقعییە.
لە هەمان ساتی كە جەدعون ساعر كۆنگرەی ڕۆژنامەوانییەكەی تێدا بەست، سەركردە و سەرۆكی وڵاتانی عەرەبی و ئیسلامی بەشدارن لە لوتكەیەكی هاوبەشدا كە سعودییە میوانداریی دەكات و تەوەری سەرەكیی وتارو گفتوگۆكانی ناو لوتكە نائاساییەكەش ڕاگرتنی جەنگ و ئاگربەستە لە غەززە و لوبنان، هەروەها لە دوورمەوداشدا دروستكردنی دەوڵەتی فەڵەستینە.
لە تۆڕە کۆمەڵایەتیەکان شەیری بکە