ئیدارەی ڕاپەڕین.. سێ یەکەمەکانی زانکۆ و پەیمانگاکان سبەى خۆپیشاندان ئەنجامدەدەن

پەیام

وەک هەڵوێستێک دژی ئەو نا عەدالەتی و گەندەڵیەی کە کراوە لە  بوون بە گرێبەست لە زانکۆ و پەیمانگاکاندا، سێ یەکەمەکانی زانکۆ و پەیمانگاکان لە سنوری ئیدارەی ڕاپەڕین سبەی خۆپشاندان دەکەن لە بەردوم زانکۆی راپەڕین.

لە ڕاگەیەندراواوێکدا ڕاشیدەکەیەنن: ئەوان  دژی هیچ کەسێک و لایەنێک نین تەنها دژی ئەو گەندەڵییەن کە بە ناشایستە کۆمەڵێک کەس بە گرێبەست دانراون بیئەوەى وانەبیژ بن.


ئەمەش دەقى ڕاگەیەندراوکەیە:-
‎سڵاو وڕێز
‎بۆلایەنە پەیوەندارەکان

‎ئێمە وەکو سێ یەکەمەکانی زانکۆ و پەیمانگا حکومیەکانی کوردستان کەلەساڵی 2017 ـ 2018 تاکو 2023 ـ 2024 دانەمەزراوینەوە.

‎کە چاوەڕەێی دامەزراندین بەڵام بەداخەوە لە زانکۆی ڕاپەڕین و زانکۆکانی تری کوردستان کۆمەڵە خەڵکێک کەبەهیچ شێوەیەک فەرمانی وانەبێژیان نییە لە وەزارەتی  خوێندنی باڵا ئەمڕۆ بەشێوەی ناشایستە بە گرێبەست دادەمەزرێن.
 
‎بۆیە ئێمەش سبەی وەک سێ یەکەمەکان هەڵوێست لەسەر ئەم کارە وەردەرگرین خۆپیشاندانێکی مەدەنیانە لەبەردەم زانکۆی ڕاپەڕین کاتژمێر 10:30 خولەک ئەنجام دەدەین  و داواکارین بەزووترین کات هەموو ئەوکەسانەی کەبە شێوازی ناشایستە یاخود فەرمانی وانەبێژی نییە لە پڕۆسەکە دوور بخرێتەوە و ئێمە دژی هیچ کەسێک و لایەنێک نین تەنها دژی گەندەڵیەکەین.

‎لەکۆتایدا داواکارین لە حکومەتی هەرێم بەزووترین کات پڕۆسەی دامەزراندنی سێ یەکەمەکان جێبەجێبکات بۆ ئەوەی چیتر مافی ئێمە  بەکەسانی تر بە شێوەی ناشایستە پڕنەکرێتەوە.