كۆمەڵی دادگەری: ساخته‌كاری كراوه‌ و ئه‌و ئه‌نجامانه‌ ڕه‌تده‌كه‌ینه‌وه‌

پەیام

لەسەر ئەنجامە بەراییەكانی هەڵبژاردن كۆمەڵی دادگەری ڕاگەیەنراوێكی بڵاوكردەوە و رایگەیاندووە، ئەو ئەنجامانەی لە ئەنجامە بەراییەكانی هەڵبژاردن بڵاوكراوەتەوە دەنگی ئەوان نیە و ڕەتی دەكەنەوە.

دەقی ڕاگەیەنراوەكە:
جەماوەری كوردستان
حزب و لایەنە سیاسییەكان
ئەندام و كادیران و دەنگدەرانی خۆشەویستی كۆمەڵی دادگەری
ئێمە لە كۆمەڵی دادگەری كوردستان پاش ڕاگەیاندنی ئەنحامی بەرایی هەڵبژاردنی خولی شەشەمی پەرلەمانی كوردستان، سەرمان سوڕما لەو ئەنجامانەی ڕاگەیەنرا و هەرگیز ئەو ڕێژە دەنگە كەمە هی ئێمە نین و ئەو ئەنجامە ڕەتدەكەینەوە، لای خۆمانەوە بەدواداچونی ورد دەكەین لە شێوازی ساختەكارییەكانی ئەم هەڵبژاردنە و بەڵگەكان كۆدەبنەوە و سكاڵا تۆمار دەكەین، دڵنیاین ئەو دەنگانە بەدەر لە ئیرادەی دەنگدەر دیزاین كراون.

ئەنجومەنی باڵای كۆمەڵی دادگەریی كوردستان

22ـی تشرینی یه‌كه‌می 2024