20/09/2024
790 جار خوێنراوەتەوە
پەرلەمانتارێک پڕچەككردنی پێشمەرگە بە هەڕەشە بۆ سەر ئاسایشی عێراق دادەنێت
پەیام
لیژنەی ئاسایش و بەرگری ئەنجومەنی نوێنەرانی عێراق ڕەتی دەكاتەوە تۆپهاوێژی قورس بە هێزەكانی پێشمەرگە بدرێت و پڕچەككردنی پێشمەرگە بە هەڕەشە بۆ سەر ئاسایشی عێراق دادەنێت.
ئەحمەد موسەوی ئەندامی لیژنەی ئاسایش و بەرگری ئەنجومەنی نوێنەرانى عێراق ڕایگەیاند: پڕچەككردنی پێشمەرگە بە تۆپهاوێژی قورس بەتاڵ نییە لە هەڕەشە بۆ سەر ئاسایشی نیشتمانی عێراق، وتیشی: كێشەكان لەنێوان حكومەتی ناوەندی و هەرێمی كوردستان ماوەی 20 ساڵە بەردەوامی هەیە، لەبەرئەوە ناتوانین دڵنیابین لەپێدانی ئەو چۆرە چەكە بە پێشمەرگە.
موسەوی ئاماژەی بەوەشدا، بە پێی یاسا حكومەتی ناوەند دەتوانێت ڕێگری لە پێدانی ئەو چەكانە بكات بە پێشمەرگە، كە لەسەروی چەكەكانی هێزە عێراقییەكانەوەیە.
لە تۆڕە کۆمەڵایەتیەکان شەیری بکە