02/09/2024
690 جار خوێنراوەتەوە
بڕیاری ئازادكردنی مامۆستا ئیسماعیل سووسەیی دەركرا
پەیام
دوای شەش ساڵ زیندانیكردن لەلایەن دەزگا ئەمنییەكانی هەولێرەوە، بڕیاری ئازادكردنی مامۆستا ئیسماعیل سووسەیی، پێشنوێژ و وتارخوێنی ئاینی دەرچوو.
هەرێم ڕەفعەت، پارێزەری مامۆستا ئیسماعیل سوسەیی بە پەیامی ڕاگەیاند: بڕیاری ئازادبوون بۆ مامۆستا، لێبوردنێكی تایبەتە و لەلایەن سەرۆكایەتیی هەرێمی كوردستانەوە دەركراوە، ئەمڕۆ دەبرێتەوە و ئاسایش و دوای ڕێكارەكان ئازاد دەكرێت.
جێی باسە مامۆستا ئیسماعیل سوسەیی ماوەی شەش ساڵە لەلایەن دەزگای پاراستن و ئاسایشی هەولێرەوە دەستگیر كراوە، پێشتریش هەریەك لە بەدریە سیوەیلی و ڕووپاك ئەحمەد، پەڕلەمانتارانی خولی پێنجەمی پەڕلەمانی كوردستان لە فڕأكسیۆنی كۆمەڵ چەند جارێك بەدواداچوونی وردیان بۆ دۆسیەكەی كردبوو.
لە تۆڕە کۆمەڵایەتیەکان شەیری بکە