20/07/2024
283 جار خوێنراوەتەوە
سۆران عومەر: ڕەزامەندیمان بۆ دروستکردنی بەنداوی دەڵگە وەرگرتووە کە کێشەى ئاوى پشدەر چارەسەردەکات
پەیام
سۆران عومەر سەرۆکى فراکسیۆنى کۆمەڵ لە پەرلەمانى عێراق ڕایگەیاند رەزامەندیمان بۆ دروستکردنی بەنداوی دەڵگە وەرگرتووە کە کێشەى ئاو لە قەزاى پشدەر چارەسەر دەکات.
لە نوسینێکدا لە فەیسبووکى خۆى سۆران عومەر ئەوەى خستووەتەڕوو "سوپاس بۆ خوا توانیمان بەنداوی دەڵگە جێ بکەینەوە بۆ ناوچەی پشدەر، بەم بەنداوە کێشەی کەم ئاوی قەڵادزێ و دەوروبەری چارەسەر دەبێت".
ئاماژەى بەوەشکردووە: وەزارەتی سەرچاوە ئاوییەکانی عێراق چوار بەنداو لە هەرێمی کوردستان دروست دەکات.
سۆران عومەر باسى لەوەشکردووە "لە ١٩/١١/٢٠٢٢ داوای دروستکردنی دوو بەنداوم بۆ دەڤەری ڕاپەڕین کرد (بەنداوی دەڵگە و دەربەند) سوپاس بۆ خوا عێراق ڕەزامەندیدا لەسەر دروستکردنی چوار بەنداو بۆ هەرێمی کوردستان ئەوانیش بەنداوی (دەڵگە لە پشدەر، بەنداوی مەنداوە لە هەولێر، بەنداوی تەقتەق لەهەولێر، بەنداوی باکرمان لە دهۆک)، لەئێستەدا هەنگاوەکانی دەستپێکردن بەدروستکردنی چوار بەنداوەکە دەستی پێکردووە".
لە تۆڕە کۆمەڵایەتیەکان شەیری بکە