پێش 4 هەفتە 185 جار خوێنراوەتەوە

مانگی گه‌ڵاڕێزان

په‌یام – سه‌لاح سالار

مانگی (خه‌زه‌ڵوه‌ر)، هه‌روه‌ها (سه‌رپه‌ڵه‌)یشی پێده‌ڵێن، هه‌شته‌مین مانگی ساڵه‌ به‌ ڕۆژ ژمێری ساڵی كوردی، هه‌روه‌ها گه‌ڵاڕێزان دووه‌مین مانگی وه‌رزی پاییزه‌.

1ی گه‌ڵاڕێزان به‌رانبه‌ره‌ به‌ 23ی تشرینی یه‌كه‌م،30ی گه‌ڵاڕێزانیش به‌رانبه‌ره‌ به‌ 21ی تشرینی دووه‌م.ناوه‌ڕاستی مانگی گه‌ڵاڕێزان پێی ده‌ڵێن: دوولایی پاییز، هه‌روه‌ها به‌ 14ی گه‌ڵاڕێزان ده‌ڵێن: حه‌قه‌ په‌له‌.

وه‌رزی پاییز له‌ سێ مانگی 30 ڕۆژه‌ پێكهاتووه‌، كه‌ بریتیین له‌: ڕه‌زبه‌ر، گه‌ڵاڕێزان، سه‌رماوه‌ز. باران و په‌ڵه‌ له‌ مانگی گه‌ڵاڕێزاندا سه‌رهه‌ڵده‌دات.

هه‌نار و گۆیژ له‌م مانگه‌دا تامیان خۆشتر ده‌بێت، ئه‌ویش به‌هۆی بارینی ڕێژه‌یه‌ك بارانی پاییزه‌وه‌یه‌. جووتیاره‌كان هه‌وڵ ده‌ده‌ن زه‌ویی كێڵاندن دوا نه‌خه‌ن، چونكه‌ ئیتر ده‌رفه‌تیان به‌ده‌سته‌وه‌ نامێنێت.

بای خه‌زان له‌م مانگه‌دا هێرشی خۆی ده‌هێنێت. هه‌و‌ره‌كان گه‌واڵ گه‌واڵ ڕووی ئاسمان ده‌ته‌ننه‌وه‌. دره‌خته‌كانیش گه‌ڵاكانیان زه‌ر ده‌بن و هه‌ڵده‌وه‌رن، هه‌ربۆیه‌ پێی ده‌ڵێن مانگی گه‌ڵاڕێزان.

تا ئێره‌ ئاوی بیر و كانیاوه‌كان زۆر كه‌م ده‌كه‌ن، له‌به‌رئه‌وه‌یه‌ خه‌ڵك به‌ سه‌ره‌تای پاییز ده‌ڵێن گاقۆڕ. ئه‌وانه‌ی بیر هه‌ڵده‌كه‌نن تا گه‌ڵاڕێزان ته‌واوی ده‌كه‌ن، چونكه‌ ئیتر دواتر ئاوه‌كه‌ی وشك ناكات.

شاعیران ستایشی زۆری وه‌رزی پاییزیان كردووه‌، قانعی شاعیر پاییزی وه‌ك ژیانی خۆی چواندووه‌:ئه‌ی وه‌ته‌ن پاییز به‌خێربێ چونكه‌ ئیستا‌ باوومه‌ گه‌رم و ساردی فه‌سه‌ڵه‌كه‌ت عه‌ینه‌ن دڵه‌ی شێواوومه‌.
زۆرێك له‌ شاعیرانی دیكه‌ په‌سنی پاییزیان كردووه‌. عاریفانیش پاییز وه‌ك ژیانی مرۆڤه‌كان ده‌چوێنن، ده‌ڵێن: دره‌خته‌كان ده‌مرن و دیسانه‌وه‌ ده‌ژێنه‌وه‌.

لە تۆڕە کۆمەڵایەتیەکان شەیری بکە

  • 1 رۆژ پێش ئێستا

    ئەم دە خۆراکەی به‌ره‌نگاری ئازار ده‌بنه‌وه‌

  • 3 رۆژ پێش ئێستا

    ئیبراهیم پاشای بابان كێ بوو؟

  • 3 رۆژ پێش ئێستا

    20 زانیاری گرنگ له‌سه‌ر له‌شی مرۆڤ - به‌شی پێنجه‌م

  • 5 رۆژ پێش ئێستا

    20 زانیاری گرنگ له‌ له‌شی مرۆڤ - به‌شی چواره‌م

  • 5 رۆژ پێش ئێستا

    حه‌مدی.. شاعیرێكی گه‌وره‌ و كه‌سایه‌تییه‌كی تێكۆشه‌ر

  • 6 رۆژ پێش ئێستا

    به‌م خواردنانه‌ جگه‌رت پاكبكه‌وه‌

  • 6 رۆژ پێش ئێستا

    به‌م ڕێگایانه‌ منداڵه‌كه‌ت ڕابهێنه‌ له‌سه‌ر زووخه‌وتن

  • پێش 2 هەفتە

    ئەمریكا.. بەهۆی جگەرەی ئەلیكترۆنییه‌وه‌، ٤٠ كەس گیانیانلەدەستداوه‌

سەرەتا