مامۆستا عەلی باپیر لە قەڵادزێ سەردانی حوجرەی ئیمامی غەزالی و خوێندنگای ئیسلامی كرد

پەیام

مامۆستا عەلی باپیر سەرۆكی كۆمەڵی دادگەریی كوردستان سەردانی قەڵادزێی كرد و لە وتەیەكیشدا باسی لە ڕۆڵ و پێگەی زانایانی ئیسلامی لە ناوچەكە كرد.

مامۆستا عەلی باپیر بە یاوەریی وەفدێكی مەڵبەندی ڕانیە و ئەنجوومەنی قەڵادزێ، حوجرەی ئیمامی غەزالی و خوێندنگای ئیسلامیی پشدەری بەسەر كردەوەو لایەن هەریەك لە هەریەكە لە ( مامۆستا مەلا عەلی هێرۆیی و مامۆستا مەلا موحەممەدی مودەڕیس و مامۆستا مەلا سەلمان و مامۆستایانی دیكەو فەقێیانی حوجرەو خوێنكارانی خوێندنگاكەوە بە گەرمی پێشوازیان لێ كرا.

مامۆستا عەلی باپیر لە وتەیەكیدا تیشكی خستە سەر گرنگی ئەدەب و ڕێز لە وەرگرتنی زانستی شەرعیی و، ڕۆڵ و پێگەی زانایان و قوتابیانی زانستی شەرعیی و، خۆشحاڵی خۆی دەربڕی بە دیداری مامۆستایان و فەقێ و خوێندكاران.

لای خۆشیەوە مامۆستا عەلی هێرۆیی بە ناوی خۆی و ئیدارەی حوجرەوە وێڕای بەخێرهێنانی گەرم، زۆر سوپاسی مامۆستا عەلی باپیر و شاندی یاوەری كرد و، سەردانەكەیانی زۆر بەرز نرخاند و، خۆشحاڵی خۆی و تەواوی مامۆستایان و فەقێیانی بۆ ئەم سەردانە دەربڕی و، هیوای خواست كە توانای مسوڵمانان یەكبخرێت و، برایەتی و تەبایی نێوان سەرجەم گروپ و تەوژمە ئیسلامییەكان و ئەهلی قیبلە لە كوردستان بەرقەرار بێ.