پێکهاتەی پێشبینیکراوی ڕیاڵ مەدرید و بەرشەلۆنە بۆ کلاسیکۆی ئەمشەو

پەیام سپۆڕت - بڕیار تەها

ڕۆژنامەی مارکای مەدریدی پێکهاتەی پێشبینیکراوی هەردوو یانەی ڕیاڵ مەدرید و بەرشەلۆنەی بۆ یارییەکەی ئەمشەو بڵاو کردووەتەوە.

ئەمشەو لە کاتژمێر 10:00 بە کاتی کوردستان یانەی ڕیاڵ مەدرید لەسەر یاریگای سانتیاگۆ بێرنابیۆی تایبەت بەخۆی میوانداری لە یانەی بەرشەلۆنە دەکات.

ڕۆژنامەی مارکا تایبەت بەم یارییە  پێشبینی کردە کە کارلۆ ئانچلۆتی ڕاهێنەری ڕیاڵ مەدرید بە پلانێکی 4-4-2 یاری بکات و یاریزانە سەرەکییەکان بەم شێوەیە دەبن:

گۆڵپارێز- ئاندرێ لونین
لە هێڵی بەرگری - ڕودیگێر و ناچۆ و ڤاسکوێز و کاماڤینگا
لە هێڵی ناوەڕاستدا - چوامینی و بێلینگهام و کرووس و ڤالڤێردی
لە هێڵی هێرشبردن - ڤینیسیۆس جونیۆر و ڕۆدیگۆ

سەبارەت بە بەرشەلۆنە، ڕۆژنامە مەدریدییەکە پێشبینی دەکات چاڤی هێرناندێزی ڕاهێنەر بە پلانێکی 4-3-3 بچێتە نێو یاری کلاسیکۆ و یاریزانە سەرەکییەکان بەم شێوەیە بن.
گۆڵپارێز - تێر شتیگن
لە هێڵی بەرگری - ئاراوخۆ، کۆبارسی، کوندێ و کانسێلۆ
لە هێڵی ناوەڕاست -  گوندۆگان و دی یۆنگ و پێدری
لە هێڵی هێرشبردن -  لامین یەماڵ و ڕافینیا و لیڤاندۆڤسکی