17/02/2024
356 جار خوێنراوەتەوە
ئێران.. پەردە لەسەر دوو سیستەمی نوێی بەرگریی ئاسمانی لادرا
پەیام
سوپای پاسدارانی ئێران دوو سیستمی نوێی بەرگری ئاسمانی بەناوەكانی "ئارمان" و "ئازەڕەخش" بۆ بەكارهێنان خستە بەردەست و لەلایەن وەزیری بەرگرییەوە پەردەیان لەسەر لادرا.
كەناڵی فەرمی ئێران بڵاوی كردەوە لە ڕێوڕەسمێكدا، كە محەمەد ڕەزا ئاشتیانی وەزیری بەرگریی ئێران ئامادەی بوو، پەردە لەسەر دوو دەستكەوتی گەورەی دیكەی پیشەسازی بەرگریی ئێران لابران، كە بریتیین لە هەردوو سیستەمی بەرگریی ئاسمانی "ئارمان" و "ئازەڕەخش".
وەزیری بەرگری ئێران ڕایگەیاند: "ئارمان" سیستەمێكی بەرگریی مەودای مامناوەند و بەرزە و دەتوانێت ئامانجەكان لە دووری 180 كیلۆمەتر دەستنیشان بكات و لە دووری 120 كیلۆمەتریش ئامانجەكانی بپێكێت.
ڕاشیگەیاندووە: "ئەم سیستەمە بە كەمتر لە سێ خولەك ئامادە دەكرێت و سیستەمێكی متمانەپێكراوە بۆ بەرگریكردن لە وڵات".
ئاشتیانی لەبارەی سیستەمی "ئازەڕەخش"یش ڕایگەیاند كە ئەم سیستەمە، توانای چاودێریكردن و لەناوبردنی ئامانجەكانی هەیە لە بەرزی و نزمیدا بە مەودای 50 كیلۆمەتر.
لە تۆڕە کۆمەڵایەتیەکان شەیری بکە